पशुपतिकाे जलहरीबारे सदस्य सचिव– ‘सुन चाेरकाे आराेप लगाएर गाउँभरि बेइज्जत भयाे, १० केजी नै सुन छ’

जेठ ३०, २०८० मंगलबार १६:१९:४८ | उज्यालो सहकर्मी

काठमाण्डाै – पशुपति क्षेत्र विकास कोषले पशुपतिनाथ मन्दिरमा चढाइएको सुनको जलहरीमा १० केजी नै सुन रहेको दाबी गरेको छ ।

मङ्गलवार राष्ट्रिय सभाअन्तर्गतको राष्ट्रिय सरोकार तथा समन्वय समितिको बैठकमा कोषका सदस्य सचिव डा. मिलनकुमार थापाले यस्ताे दाबी गर्नुभएकाे हाे । आफूले पटक–पटक जलहरीको सुनकाे तौल लिन गरेको आग्रहलाई बेवास्ता गरेर सरकारले आफूलाई चोर करार गर्न खोजेको भन्दै सदस्य सचिव थापाले गहँभरि आँशु झार्नु भयो । आफ्ना दुई सन्तान रहेका र उनीहरूको भविष्यसमेत अन्धकार हुने गरी आफूलाई सुन चोरको आरोप लगाइएको दुखेसो पोख्दै उहाँले सुन चोरी गरेको प्रमाण भेटिए जस्तोसुकै सजाय भाेग्न तयार रहेको बताउनुभयाे ।

उहाँले भन्नुभयो, ‘म सुनको जलहरी समितिको संयोजक हो । यसमा नेपाल राष्ट्र बैंकले दिएको सम्झौताअनुसार हामीले १०३ केजी सुन लिएर आएका छौँ । राज्यका प्रमुखहरूले जे निर्देशन दिनुहुन्छ, त्यो गर्नु के गलत हो ? अर्को कुरा, नेपाली सेनालाई विश्वास गर्ने कि नगर्ने त ? यो सुनको जलहरीमा नेपाली सेना २४ घण्टा ड्युटीमा रहेको छ । सुन हराएको हो भने सेनाले जिम्मा लिन पर्ने कि नपर्ने भनेर मैले प्रधानसेनापतिज्यूसँग पनि कुरा गरेको थिएँ । १० केजी सुन शिवले पहिरिएर राख्नुभएको छ । जलहरीमा १० केजी पुगेन भने जस्ताेसुकै सजाय भाेग्न तयार छु । आज मेरो गाउँभरि बेइज्जत भयो । म कमजोर होइन । तर राज्यले कमजोर बनायो नि त । आयोगले छानबिन गर्न नपर्ने ? पटक–पटक हामीलाई मुद्दा चलाउँछु भनेको छ । जोखेर मुद्दा चलाउन । यो च्यालेन्ज हो ।’

सदस्य सचिव थापाले जलहरी प्रकरणको विषयमा अख्तियार दुरुपयोग अनुसन्धान आयोगले छानबिन नगरि जथाभाबी आरोप लगाउन नमिल्ने बताउनुभयो । त्यस सम्बन्धमा आफूले महालेखा परीक्षकको कार्यालयमा यथार्थ जानकारी गराउँदा पनि गलत ढङ्गले प्रतिवेदन आएको उहाँको दाबी छ । बैठकमा सांसदहरूले जलहरी प्रकरणबारे सदस्य सचिव थापासँग जिज्ञासा राखेका थिए ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Sumod Thapa
June 14, 2023, 6:43 a.m.
Very good jawaf Thapa JEE .
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पशुपतिकाे जलहरीबारे सदस्य सचिव– ‘सुन चाेरकाे आराेप लगाएर गाउँभरि बेइज्जत भयाे, १० केजी नै सुन छ’

1 Comments

Sumod Thapa

तपाईको प्रतिक्रिया

तपाईको प्रतिक्रिया