चीनसँग रचनात्मक र फलदायी वार्ता भयाे : अमेरिकी विदेश मन्त्रालय

असार ४, २०८० सोमबार १२:५४:१७ | एजेन्सी

अमेरिकी विदेश मन्त्रालयले चीनसँग रचनात्मक र फलदायी वार्ता भएको जनाएको छ । चीन भ्रमणमा रहेका विदेश मन्त्री एन्टोनी ब्लिङ्केनले चिनियाँ विदेशमन्त्री किन गाङ्गसँग गरेको वार्तापछि अमेरिकी विदेश मन्त्रालयले कुटनीति र उच्च तहमा संवादका ढोकाहरु खुला राखेर सम्बन्ध अघि बढाउने सहमति भएको जनाएको हो ।

मन्त्रालयले विदेशमन्त्री ब्लिङ्केनले चिनियाँ समकक्षीसँग खुलस्त कुराकानी गरेका पनि दाबी गरेको छ । झण्डै पाँच वर्षयता कुनै पनि शीर्ष अमेरिकी कुटनीतिज्ञले चीन भ्रमण गरेको यो पहिलो पटक हो । अमेरिकी आकाशमा चिनियाँ बेलुन उडानपछि झण्डै पाँच महिनाअघि ब्लिङ्केनको चीन भ्रमण स्थगित गरिएको थियो ।

अमेरिकी अधिकारीहरूले यो वार्ताको मुख्य लक्ष्य अत्यन्तै तनावपूर्ण भएको सम्बन्धलाई स्थिर बनाउनु रहेको बताएका छन् । चीनका विदेशमन्त्री किन गाङ्गले ब्लिङ्केनलाई बेइजिङ अमेरिकासँग स्थिर र रचनात्मक सम्बन्ध स्थापित गर्न प्रतिबद्ध रहेको बताएका चिनियाँ सरकारी सञ्चारमाध्यमले जनाएका छन् ।

वार्तामा चिनियाँ विदेशमन्त्री किन गाङ्गले चीन–अमेरिका सम्बन्धमा ताईवान नै मुख्य विवादको विषय रहेको भन्दै ताईवानको विषय चीनका लागि निकै संवेदनशील हो भन्ने पनि प्रष्ट पार्नुभएको खबरमा उल्लेख छ । चीनले स्वशासित ताईवानलाई आफ्नै टुक्रिएको प्रान्तको रूपमा हेर्न गरेको छ भने ताईवानले आफूलाई चिनियाँ मुख्य भूमिभन्दा फरक ठान्छ ।

गएको वर्षअमेरिकी राष्ट्रपति जो बाइडनले चीनले ताईवानमाथि आक्रमण गरे अमेरिकाले ताईवानको रक्षा गर्ने बताउनु भएको थियो । यसको चीनले विरोध जनाएको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्