बाढी पहिरोले बाटो नभएपछि ताप्लेजुङको सिदिङ्वा र सिरिजङ्गा गाउँपालिकाका विद्यालय बन्द

असार ७, २०८० बिहीबार १०:५४:२२ | रासस

काठमाण्डौ – ताप्लेजुङको बाढीपहिरोका कारण विद्यार्थीको पढाइ प्रभावित भएको छ ।

बाढीपहिरोका कारण बाटो अवरुद्ध भएकाले विद्यालय जान सक्ने अवस्था नरहेकाले सिदिङ्वा र सिरिजङ्घा गाउँपालिकामा अध्ययनरत विद्यार्थीको पढाइ प्रभावित भएको हो ।

बाढीपहिरोले सिरिजङ्गा गाउँपालिका–८ आम्फुदीनमा रहेको कञ्चजङ्घा माध्यमिक विद्यालय उच्च जोखिममा छ ।

योे विद्यालय जोखिममा पर्दा त्यहाँ अध्ययनरत एक सय २२ जना विद्यार्थीकाे पढाइ प्रभावित भएका सिरिजङ्घा गाउँपालिकाका शिक्षा शाखाले जनाएको ।

जताततै पहिरो गएकाले बाटो अवरुद्ध भएको छ । बाढीले पुल बगाएसँगै खोला तरेर जान सम्भव नभएकाले सिरिजङ्गा गाउँपालिकाले अनिश्चितकालका लागि विद्यालय बन्द गरेको सिरिजङ्गा गाउँपालिकाका प्रमुख प्रशासकीय अधिकृत स्काइ पोखरेलले बताउनुभयो ।

सिरिजङ्घा गाउँपालिकामा ४२ वटा विद्यालय छन् । त्यस्तै सिदिङ्वा गाउँपालिकामा ३९ वटा विद्यालय छन् ।

सिदिङ्वा गाउँपालिकाका निमित्त प्रमुख प्रशासकीय अधिकृत रुद्रप्रसाद बेघाका अनुसार ३९ विद्यालयमा तीन हजार एक सय विद्यार्थी अध्ययनरत रहेका छन् ।

बाढी पहिरोका कारण सबै शैक्षिक संस्था बन्द गरिएको उहाँले बताउनुभयो । आउँदो साउन ६ गतेसम्मका लागि विद्यार्थीलाई बिदा दिएको गाउँपालिकाले जनाएको छ ।

निरन्तर वर्षा र बाढीपहिरोले गर्दा विद्यालय आउजाउमा समस्या भएकाले पाथीभरा याङ्वरक गाउँपालिकाले पर्सी ८ गतेसम्मका लागि विद्यालयमा बिदा दिएको गाउँपालिकाले जनाएको छ ।

जिल्ला प्रहरी कार्यालयका अनुसार सिदिङ्वा गाउँपालिका–६ मेहेले गाउँमा गएको शनिवार राति गएको बाढीपहिरोले बगाएको चार जनामध्ये एकै घर परिवारका तीन जना अझै बेपत्ता रहेका छन् ।

ताप्लेजुङमा बाढी पहिरोमा परेर तीन जनाको ज्यान गएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाढी पहिरोले बाटो नभएपछि ताप्लेजुङको सिदिङ्वा र सिरिजङ्गा गाउँपालिकाका विद्यालय बन्द

ताप्लेजुङको मैवाखोलामा शनिबार राति आएको बाढीले गरेको कटान ।

तपाईको प्रतिक्रिया