बजेटको पक्षमा मतदान गर्न आफ्ना सांसदहरुलाई कांग्रेसको ह्वीप

असार १२, २०८० मंगलबार १२:१४:४४ | उज्यालो सहकर्मी

काठमाण्डाै - सत्तारुढ दल नेपाली कांग्रेसले बजेटको पक्षमा मतदान गर्न आफ्ना सांसदहरुलाई ह्वीप जारी गरेको छ ।

प्रमुख सचेतक रमेश लेखकले सांसदहरूलाई विनियोजन विधेयक निर्णायार्थ प्रस्तुत हुने दिन अनिवार्य उपस्थित हुन तथा पक्षमा मतदान गर्न र तटस्थ नरहन ह्वीप जारी गर्नु भएको हो । भोलि बिहान ११ बजे बस्ने प्रतिनिधि सभाको बैठकमा विनियोजन विधेयक निर्णायार्थ प्रस्तुत गर्ने तयारी भएकाले यसैलाई मध्यनजर गरेर कांग्रेसले ह्वीप जारी गरेको हो ।

आर्थिक वर्ष २०८०/०८१ को बजेटप्रति सत्तारुढ दलकै सांसदहरूले असन्तुष्टि जनाउँदै आएका छन् । सत्तारुढ दलका शीर्ष नेताहरुबीच बजेटमा देखिएको असन्तुष्टिलाई संशोधन गर्ने समझदारी बनेको नेताहरुले दाबी गर्दै आएका छन् । तर, अर्थमन्त्री डा. प्रकाशशरण महतले बजेट संशोधन नभइकन पास हुने दाबी गर्नुभएको छ ।

हिजो संसद् भवनबाहिर सञ्चारकर्मीसँग कुरा गर्दै अर्थमन्त्री महतले बजेट कुनै पनि संशोधनविना पास हुने बताउनु भएको हो । अर्थमन्त्री डा. प्रकाशशरण महतले गएको जेठ १५ गते बजेट पेस गर्नु भएको थियो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बजेटको पक्षमा मतदान गर्न आफ्ना सांसदहरुलाई कांग्रेसको ह्वीप

फाइल तस्बिर

तपाईको प्रतिक्रिया