भारतको महाराष्ट्रमा बस दुर्घटना हुँदा २५ जनाकाे ज्यान गयो

असार १६, २०८० शनिबार ११:३७:५४ | एजेन्सी

भारतको महाराष्ट्रमा एक निजी बस दुर्घटना हुँदा २५ जनाको ज्यान गएको छ ।

सागपुरदेखि समृद्धि राजमार्ग हुँदै पुणे गइरहेको २९ बीई १८१९ नम्बरको ट्राभल एजेन्सीको बस आज बिहान दुर्घटना भएको हो । बुलढाणा भन्ने ठाउँमा टायर फड्किँदा बस अनियन्त्रित भएर बिजुलीको खम्बामा ठोक्किएर दुर्घटना भएको बीबीसीले जनाएको छ ।

बुलढाणाका प्रहरी अधिकारी सुनील कडासणेका अनुसार पोलमा बस ठोक्किँदा बसको डिजल ट्यांक फुटेर आगलागी भएको हो । बसमा लागेको आगोमा जलेरै धेरै यात्रीको ज्यान गयो भने केही यात्रु बसको सिसा फुटाएर बाहिर निस्किन सफल भए । बसमा जम्मा ३३ यात्रु रहेको प्रहरीले जनाएको छ । ज्यान गुमाउनेको पहिचान खुल्न सकेको छैन । घाइतेहरुकाे स्थानीय अस्पतालमा उपचार भइरहेकाे छ ।

महाराष्ट्रका मुख्यमन्त्री एकनाथ शिंदेले यस दुर्घटनाप्रति दुःख व्यक्त गर्नुभएको छ । साथै उहाँले दुर्घटनामा ज्यान गुमाउने व्यक्तिका परिवारलाई पाँच लाख रुपैयाँ दिने बताउनुभएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्