सरकारले ‘ऋण लिएर घिउ खाएजस्तो’ गरेर बजेट विनियोजन गर्‍याे : खिमलाल देवकाेटा

असार १९, २०८० मंगलबार १६:४:० | उज्यालो सहकर्मी

काठमाण्डाै – राष्ट्रियसभाका सदस्य खिमलाल देवकोटाले देश ऋणको जालोमा फस्दै गएको टिप्पणी गर्नुभएको छ ।

मङ्गलवार राष्ट्रियसभा बैठकमा भूमि व्यवस्था, सहकारी तथा गरिबी निवारण मन्त्रालय, भौतिक पूर्वाधार तथा यातायात मन्त्रालय, सङ्घीय मामिला तथा सामान्य प्रशासन मन्त्रालय र संस्कृति, पर्यटन तथा नागरिक उड्डयन मन्त्रालयको विनियोजन शीर्षकमाथिको सैद्धान्तिक छलफलमा सांसद देवकाेटाले यस्ताे टिप्पणी गर्नुभएकाे हाे । उहाँले आर्थिक सर्वेक्षणअनुसार देशमा २१ खर्ब रुपैयाँ ऋण तिर्न बाँकी रहनु देश ऋणको जालोमा फस्न लागेको सङ्केत भएको तर्कसमेत गर्नुभयाे ।

सांसद देवकाटाले सरकारले ‘ऋण लिएर घिउ खाएजस्तो’ गरेर बजेट विनियोजन गरेको बताउनुभयाे । उहाँले भन्नुभयो, ‘आन्तरिक ऋण भुक्तानीमा १०५ प्रतिशतले वृद्धि भएको रहेछ । यो शीर्षकमा अघिल्लो पटक १३४ अर्बकाे बजेट रहेको थियो । अहिले २७५ अर्ब छ । यसमा वैदेशिक ऋण मात्रै जोड्ने हो भने पनि यो फिगर अझ धेरै माथि जान्छ । यसले हामी बिस्तारै ऋणको जालोमा, ऋणको पासोमा फस्दैछौँ भन्ने सङ्केत गरिदियो । बजेटको तथ्याङ्कले पनि त्यही भन्छ । आर्थिक सर्वेक्षणअनुसार हामीले तिर्नुपर्ने ऋण २१ खर्ब छ । बजेट विनियाेजन हेर्दा ऋण लिएर घिउ खाएजस्तो अवस्था छ ।’

सांसद देवकोटाले सरकारले ल्याएको बजेट सङ्घीयता विरोधी रहेको पनि पटक–पटक दोहोर्‍याउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्