प्रधानमन्त्रीले राजीनामा दिनुपर्ने गरी कुनै राष्ट्रघात गर्नुभएको छैन : माओवादी सांसद दाहाल

असार २०, २०८० बुधबार १९:२:४ | उज्यालो सहकर्मी

काठमाण्डाै – नेकपा (माओवादी केन्द्र) का सांसद लेखनाथ दाहालले प्रधानमन्त्री पुष्पकमल दाहाल प्रचण्डले राजीनामा दिनुपर्ने गरी कुनै राष्ट्रघाती काम नगरेको बताउनुभएको छ ।

बुधवारको प्रतिनिधिसभा बैठकमा प्रमुख प्रतिपक्ष दल नेकपा एमालेले प्रधानमन्त्रीको राजीनामा माग गरी संसद् अवरोध गरेपछि सञ्चारकर्मीसँग कुरा गर्दै सांसद दाहालले एमालेले सरकारबाहिर बसेको पीडा अभिव्यक्त गरेको टिप्पणी गर्नुभयाे । उहाँले सरकार अङ्कगणितले बन्ने र बहुमत गुमाएको दिन स्वतः राजीनामा हुने भन्दै अहिले नै राजीनामा दिनलाई कुनै राष्ट्रघाती सन्धि नगरिएको बताउनुभयो ।

सांसद दाहालले भारतीय व्यापारी प्रीतम सिंहले प्रचण्डलाई प्रधानमन्त्री बनाउने सदीक्षा राखेको कुरा अभिव्यक्त गरेका र त्यही कुरा प्रधानमन्त्री प्रचण्डले एक कार्यक्रमका बीचमा राखेको भन्दै त्याे विषय राजनीतिक नभएको बताउनुभयो ।

उहाँले भन्नुभयो, ‘एमाले सरकारबाहिर बसेका कारण उसलाई ठूलो पीडा छ । आवेग छ । त्यो आवेग अभिव्यक्त हुन्छ । सरकार कसरी बन्छ भनेर एमालेलाई थाहा रहेनछ । सरकार अङ्कगणित हिसाबले बन्छ । जुनदिन यो सरकारले बहुमत गुमाउँछ, त्यो दिन स्वतः राजीनामा हुन्छ । के को राजीनामा ? उहाँहरूले जस्तो देश बेचेको छ ? राष्ट्रघाती सन्धि गरेको छ ? कुनै अपमानित काम गरेको छ नीतिगत हिसाबले, राजनीतिक हिसाबले ? कुनै एउटा पात्रले आफूमाथि राखेको सदीक्षा सम्झिएको हो । सरदार प्रितम सिंहले कमसेकम प्रचण्ड प्रधानमन्त्री भइदिए हुन्थ्याे भन्ने सदीक्षा राख्नुभयो । न उहाँको राजनीतिक भूमिका छ, न घरानीया व्यवसायी हो । सामान्य श्रमिक, मजदुरको सदीक्षा राजनीतिक विषय बनाउन मिल्छ र ?’

सांसद दाहालले प्रचण्डलाई प्रधानमन्त्री बनाउने सदीक्षासहित सिंहले नेपाल र भारतका व्यक्तिहरूलाई भेटेको बताए पनि त्यसाे गर्न प्रचण्डले नअह्राएको पनि बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्रीले राजीनामा दिनुपर्ने गरी कुनै राष्ट्रघात गर्नुभएको छैन : माओवादी सांसद दाहाल

फाइल फाेटाे

तपाईको प्रतिक्रिया