हिउँदे अधिवेशन नयाँ भवनबाटै शुरु गर्ने गरी काम अघि बढाउन प्रधानमन्त्रीको निर्देशन

असार २५, २०८० सोमबार १५:५९:३५ | उज्यालो सहकर्मी

काठमाण्डाै – प्रधानमन्त्री पुष्पकमल दाहाल प्रचण्डले संसद्काे हिउँदे अधिवेशन नयाँ भवनबाटै सञ्चालन गर्ने गरी काम अघि बढाउन निर्देशन दिनुभएको छ ।

सोमवार निर्माणाधीन संसद् भवनको अवलोकन गर्दै प्रधानमन्त्री दाहालले सकेसम्म हिउँदे अधिवेशन नयाँ संसद् भवनबाट नै गर्ने गरी निर्माण गर्न निर्देशन दिनुभएको हो । उहाँले संसद्को हिउँदे अधिवेशन नयाँ भवनबाटै गर्न सकियोस् भन्ने सरकारको लक्ष्य रहेको भन्दै त्यही अनुरूप कामको गति बढाउनुपर्ने बताउनुभयो ।

प्रचण्डले संसद् भवन आधुनिक र सुविधा सम्पन्न बन्नु देशको गौरवको कुरा भएको उल्लेख गर्नुभयाे । भवन निर्माणमा कुनै पनि गलत कुरामा सम्झौता नगर्न पनि उहाँकाे आग्रह छ । उहाँले भवन निर्माणका क्रममा आइपर्ने समस्याहरूको समाधान गर्न सरकारको सहयोग हुने बताउनुभयो ।

उहाँले भन्नुभयाे, ‘सकेसम्म संसद्को हिउँदे अधिवेशन यहीँ (नयाँ भवन) गर्न सकियोस् । लक्ष्य पनि त्यही छ । हामी सबैले युद्धस्तरमा काम गर्‍याैँ भने लक्ष्य समयमा, गुणस्तरीयरूपमा पूरा गर्न सकिन्छ । यो देशकै सर्वोच्च प्रतिनिधि संस्थाको भवन आधुनिक र सुविधा सम्पन्न बन्नु देशकै गौरवको कुरा पनि हो । त्यस कारण यसको निर्माणमा कहीँ कतै गलत सम्झाैता नगराैँ र कामलाई तीव्रताका साथ सम्पन्न गरौँ ।’

त्यसैगरी शहरी विकास मन्त्री सीता गुरुङले भवन निर्माणको कामलाई चाँडै सम्पन्न गर्नका लागि श्रमिकहरूको सङ्ख्या बढाउन निर्माण व्यवसायीहरूलाई आग्रह गर्नुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

हरिबहादुर खड्का क्षेत्री
July 10, 2023, 4:14 p.m.
राम्रो तर गाह्रो छ । काम त दुर्त रुपमा गरेको देखिन्छ ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हिउँदे अधिवेशन नयाँ भवनबाटै शुरु गर्ने गरी काम अघि बढाउन प्रधानमन्त्रीको निर्देशन

1 Comments

हरिबहादुर खड्का क्षेत्री

तपाईको प्रतिक्रिया

तपाईको प्रतिक्रिया