पार्टी नेतृत्वलाई गालीगलाैज र खुइल्याउने काम नगराैँ : प्रवक्ता महत

साउन ७, २०८० आइतबार १४:२६:३७ | उज्यालो सहकर्मी

काठमाण्डाै – नेपाली कांग्रेसका प्रवक्ता डा. प्रकाशशरण महतले नेताहरूलाई खुइल्याउने काम नगर्न आग्रह गर्नुभएको छ ।

आइतवार पार्टीको केन्द्रीय समिति बैठकमा प्रवक्ता महतले पार्टी नेतृत्वलाई अनावश्यक गालीगलौज गर्ने र खुइल्याउने काम नगर्न आग्रह गर्नुभएको हो । उहाँले सामाजिक सञ्जालबाट नियोजित किसिमले विरोध गर्ने कुरा कसैले कहीँबाट पनि गर्न नहुने बताउनुभयो ।

उहाँले भन्नुभयो, ‘आज पार्टीमा विचार, दृष्टिकोण, मिसन, भिजन छैन भनेर भन्ने हाेइन । हाम्रो पार्टीको मिसन छ । हामी हाम्रो पार्टीप्रति गर्व गर्छाैँ । उच्च मनोबलका साथ जनतामा जान्छौँ । त्यस कारण अनावश्यक किसिमको गालीगलौज, नेतृत्वलाई खुइल्याउने कुरा नगराैँ । सामाजिक सञ्जालबाट नियोजित किसिमबाट विरोध गर्ने कुरा र नभएकोलाई पनि भएको जस्तो गरी प्रस्तुत गर्ने कुरा कसैले पनि गर्नु हुँदैन ।’

एकले अर्कालाई गालीगलौज नगरि एकताबद्ध भएर अगाडि बढेमा कांग्रेसलाई कसैले विस्थापित गर्न नसक्ने महतले जिकिर गर्नुभयाे । उहाँले पार्टीभित्र अनुशासनको आवश्यकता रहेको बताउनुभयो ।

उहाँले पार्टीभित्र भिन्न मत भए पनि चुनावका बेला पार्टीको आधिकारिक उम्मेदवारलाई सघाउनुपर्ने बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्