ओलीको उदयसँगै राजनीतिमा गाली, खुट्टा तानातानकाे संस्कृति शुरु भयो : घनश्याम भुसाल

भदौ ८, २०८० शुक्रबार १५:५६:३२ | उज्यालो सहकर्मी

काठमाण्डाै – नेकपा (एकीकृत समाजवादी) का महासचिव घनश्याम भुसालले नेकपा एमालेका अध्यक्ष केपी शर्मा ओलीको उदयसँगै राजनीतिमा घृणा शुरु भएको आरोप लगाउनुभएको छ ।

आज शुक्रवार काठमाण्डाैमा आयोजित एक कार्यक्रममा महासचिव भुसालले राजनीतिमा ओलीको उदयसँगै निन्दा, खुट्टा तानातान, भर्त्सना, गालीको परम्परा र संस्कृति हाबी हुँदै गएको आराेप लगाउनुभयाे । उहाँले नयाँ पार्टीहरूप्रति लक्षित गर्दै अहिले ओलीभन्दा पनि १० हातमाथि गएर निन्दा, भर्त्सनामा उत्रिनेहरू आएका उल्लेख गर्नुभयो । ओलीका कारण वाम आन्दोलनको सबै सम्भावना टुटेको भुसालकाे भनाइ थियाे ।

उहाँले भन्नुभयो, ‘ओली कमरेडको उदय शुरु भएपछि नेपालकाे राजनीतिमा घृणा, निन्दा, खुट्टा तानातान, भर्त्सना, गालीको परम्परा, संस्कृति हाबी हुँदै गयो । अहिले त ओलीजीभन्दा १० हात अघि गएर निन्दा, भर्त्सना गर्नेमा अरू नै आइपुगे । ओलीको प्रवृत्तिको कारणले नेपाली राजनीतिमा, नेपाली वाम आन्दोलनमा पसेको ओली प्रवृत्तिका कारणले सम्भावना टुटेको छ । ओलीजीका कारणले नेकपा एमाले झनै सङ्कटग्रस्त बन्दैछ । सङ्कटग्रस्तलाई पार्टीभित्र बस्न अझ बढी ओलीको भक्ति चाहिन्छ ।’

महासचिव भुसालले सत्ता गठबन्धनमा कांग्रेससँगै आफूहरू रहेपनि कांग्रेस आफूहरूको सिद्धान्त नभएको र गठबन्धन आफूहरूको भाग्य भविष्य नभएकाे दाबी गर्नुभयाे ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ओलीको उदयसँगै राजनीतिमा गाली, खुट्टा तानातानकाे संस्कृति शुरु भयो : घनश्याम भुसाल

फाइल तस्बिर

तपाईको प्रतिक्रिया