इजरायल रोजगारीमा जानेलाई केयर गिभरको तालिम दिने संस्थाले विभागसँग स्वीकृति लिनुपर्ने

भदौ १५, २०८० शुक्रबार १४:५८:६ | उज्यालो सहकर्मी

काठमाण्डौ – अबदेखि इजरायलमा केयर गिभरको काममा जान चाहने श्रमिकलाई तालिम दिने संस्थाले वैदेशिक रोजगार विभागसँग अनुमति लिन पर्ने भएको छ ।

त्यसका लागि १५ दिनभित्र तोकिएको कागजातसहित निवेदन पेस गर्न विभागले सूचना जारी गरेको छ इजरायलमा केयर गिभरको रूपमा जाने चाहने श्रमिकले रोजगार आवेदन दिँदा नै अनिवार्य केयर गिभरको तालिम लिएको हुन्छ ।

यसअघि विभागसँग अनुमति नलिएका संस्थाहरूमा तालिम लिएको भए पनि हुन्थ्यो । तर अब भने विभागले केयर गिभर तालिम सम्बन्धी कार्यविधि २०७२ अनुसार इजरायल रोजगारीमा जाने श्रमिकलाई तालिम दिने संस्थाले भने अनिवार्य रूपमा विभागसँग अनुमति लिनु पर्ने नियम बनाएको हो ।

तालिम दिनका लागि विभागले तोकेको मापदण्ड पूरा गरेको हुनुपर्छ । आवेदन दिँदा आफूसँग भएको भौतिक सामग्री र अन्य मापदण्डको समेत अलग्गै व्यवस्था गरी विभागमा बुझाउन पर्छ ।

इजरायलले नेपाल सरकारसँग सम्झौता गरी जीटुजी अर्थात् सरकारी प्रक्रियामार्फत नै दीर्घकालीन स्याहार केन्द्रमा केयर गिभरका रूपमा नेपाली श्रमिकहरू लगिरहेको छ ।

विभागले यो नियम लागू गरेसँगै अब इजरायल रोजगारीमा जानको लागि केयर गिभरको तालिम लिन चाहने जो कोहीले तालिम लिनुअघि विभागसँग स्वीकृति लिएको संस्था हो कि होइन भनेर निश्चित गर्नुपर्छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्