बाग्लुङकाे कालापैराखोलामा आएकाे बाढीले मध्यपहाडी लोकमार्ग अवरुद्ध

असोज ७, २०८० आइतबार ९:२०:८ | रासस

बाग्लुङ - दुई दिनदेखिको निरन्तरकाे वर्षाका कारण मध्यपहाडी लोकमार्ग दुई तर्फी अवरुद्ध भएको छ। लोकमार्गको निसीखोला गाउँपालिका–४ कानाबगरमा रहेकाे कालापैराखोलामा आएको बाढीले बाग्लुङ–बुर्तिबाङ–पूर्वीरुकुम खण्ड पूर्णरूपमा अवरुद्ध भएको हो ।

शनिवार हिजाे दिउँसोदेखि सडक अवरुद्ध भएपछि पूर्वीरुकुमदेखि काठमाण्डाै, पोखरा, बाग्लुङलगायतका ठाउँका लागि छुटेका मालवाहक तथा यात्रु बाेकेका गाडी सडकमै राेकिएका छन् । लोकमार्ग ठप्प हुँदा सयौँ यात्रु सडकमै अलपत्र परेका छन् । अहिले पानी पर्न केही कम भएकाले सडक खुलाउने प्रयास भइरहेको निसीखोला गाउँपालिका–४ का अध्यक्ष टीकानिधि पौडेलले जानकारी दिनुभयो ।

बाढीले करिब दुई सय मिटर कालोपत्र सडकमा क्षति पुर्याएको अध्यक्ष पौडेलको भनाइ छ । कानाबगर हुँदै ओखरेनी जोड्ने शाखा सडकमा पहिरो जाँदा कालापैरा खोलामा बाढी आएर सडक अवरुद्ध भएकाे पाैडेलले बताउनु भयाे । बुर्तिबाङ, बाग्लुङ, पोखरा, काठमाण्डाै र बुटवलदेखि निसी, भल्कोट हुँदै रुकुम जाने यात्रु कानाबगरमा रोकिएका छन्।

बर्खाका बेला याे सडक पटक पटक अवरुद्ध हँदा यात्रुले सास्ती खेप्दै आएका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाग्लुङकाे कालापैराखोलामा आएकाे बाढीले मध्यपहाडी लोकमार्ग अवरुद्ध

प्रतीकात्मक तस्बिर

तपाईको प्रतिक्रिया