विश्वकप क्रिकेटमा पाकिस्तानको कीर्तिमानी जित : श्रीलङ्का ६ विकेटले पराजित

असोज २४, २०८० बुधबार ६:२२:३६ | उज्यालो सहकर्मी

काठमाण्डाै - आईसीसी विश्वकप क्रिकेटमा पाकिस्तानले श्रीलङ्कालाई ६ विकेटले हराएको छ ।

जितका लागि श्रीलङ्काले दिएको विश्वकप इतिहासकै ठूलो लक्ष्य ३ सय ४५ रन पाकिस्तानले ४८ ओभर २ बलमा ४ विकेट गुमाउँदै भेट्टायो । पाकिस्तानले विश्वकपमा सबैभन्दा ठूलो लक्ष्य पछ्याउने कीर्तिमान बनाएको हो ।

पाकिस्तानको जितमा ओपनर अब्दुल्लाह शफिक र विकेटकिपर मोहम्मद रिजवानले शतक बनाए । रिजवान १ सय ३१ रनमा अविजित रहे । त्यस्तै, शफिकले १ सय १३ रन जोडे । यसअघि विश्वकपमा सबैभन्दा ठूलो लक्ष्य सन् २०११ मा इङ्ल्यान्डले दिएको ३ सय २८ रन आयरल्यान्डले पूरा गरेको थियो ।

विश्वकप इतिहासमा पहिलो पटक चार शतक बनेका छन् । श्रीलङ्काले पनि दुई शतक बनाएको थियो । श्रीलङ्काका दिलशान मदुशानकाले दुई, महेष थिक्सना र मथिसा पाथिरानाले समान एक/एक विकेट लिए ।

त्यसअघि टस जितेर पहिला ब्याटिङ गरेको श्रीलङ्काले निर्धारित ५० ओभरमा ९ विकट गुमाउँदै ३ सय ४४ रन बनाएको थियो । श्रीलङ्काका कुशल मेन्डिसले १ सय २२ रन बनाए पनि टोलीको हार टार्न सकेनन् । उनले ६५ बलमा शतक हानेका थिए । उनी श्रीलङ्काबाट सर्वाधिक छिटो शतक हान्ने खेलाडी हुन् ।

सदिरा समराविक्रमाले १ सय ८ रन जोडे । पाकिस्तानका हसन अलीले ४ विकेट लिए । हरिस रौफले २ विकेट लिए । पाकिस्तानको यो दोस्रो जित हो । पहिलो खेलमा उसले नेदरल्यान्ड्सलाई ८१ रनले हराएको थियो । श्रीलङ्का पहिलो खेलमा दक्षिण अफ्रिकासँग १ सय २ रनले पराजित भएको थियो ।

हिजो भएको अर्को खेलमा इङ्ल्यान्डले बङ्लादेशलाई एक सय ३७ रनले हरायो । आज भारत र अफगानिस्तानबीच दिल्लीमा खेल हुनेछ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्