एसीसी १९ वर्षमुनिको प्रिमियर कप : नेपाललाई मात्र ७८ रनको लक्ष्य

असोज २८, २०८० आइतबार ११:९:२९ | उज्यालो सहकर्मी

काठमाण्डाै - १९ वर्षमुनिको एसीसी प्रिमियर कप क्रिकेटमा नेपालले ७८ रनको झिनो लक्ष्य पाएको छ । मलेसियाको बायोमास ओभलमा टस जितेर पहिला ब्याटिङ रोजेको बहराइन ३७ ओभर ५ बलमै ७७ रनमा अल आउट भयो । बहराइनलाई सस्तैमा अल आउट गर्न दीपेश कँडेलले ६ विकेट लिए ।

यस्तै, दुर्गेश थापाले चार विकेट लिए । बहराइनका लागि मोहम्मद बासिल अब्दुल हकिमले ३४ रन जोड्नुबाहेक अरुले दोहोर अङ्कमा रन जोड्न सकेनन् । आजको खेलमा जित निकाले नेपालको सेमिफाइनल पुग्ने सम्भावना बलियो हुनेछ । नेपालले पहिलो खेलमा इरानलाई २ सय ७४ रनले हराएको थियो ।

नेपालले आउँदो २ गते साउदी अरेबियासँग खेल्नेछ । प्रतियोगितामा शीर्ष तीन टोलीले पाकिस्तानमा आउँदाे डिसेम्बरमा हुने एसिया कप खेल्न पाउनेछन् । हरेक समूहका शीर्ष टोली सेमिफाइनलमा पुग्नेछन् । समूह 'ए' मा नेपाल १ खेलमा २ अङ्ककासाथ शीर्ष स्थानमा छ ।

समान खेलकासाथ २ अङ्क नै भए पनि साउदी अरेबिया दोस्रो स्थानमा छ । बहराइन र इरान भने जितविहीन हुँदै तेस्रो र चौथो स्थानमा छन् ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्