आर्थिक सहायता, उद्धारमा मात्रै वैदेशिक रोजगार प्रवर्द्धन बोर्ड केन्द्रित नहुने

कात्तिक १८, २०७५ आइतबार १८:२९:५५ | उज्यालो सहकर्मी

काठमाडौं – वैदेशिक रोजगार प्रवर्द्धन बोर्डको कार्यलयलाई स्थानीय तह र प्रदेशमा बिस्तार गरिने भएको छ ।

बोर्डको १० औं वार्षिकोत्सवका अवसरमा आइतबार काठमाडौंमा भएको कार्यक्रमका आगामी कार्यक्रम र अहिलेसम्मको प्रगति विवरण पेश गर्दै बोर्डका कार्यकारी दिर्नेशक राजनप्रसाद श्रेष्ठले यस्तो बताउनु भएको हो ।

सेवाग्राहीले बोर्डबाट सेवा लिन काठमाडौं नै आइपुग्नु पर्ने बाध्यतालाई अन्त्य गर्न बोर्डको पुनःसंरचना गरी कामदारमुखी बनाइने पनि उहाँले जानकारी दिनुभयो ।

आउँदा दिनमा मृतक कामदारका परिवारलाई आर्थिक सहायता, समस्यामा परेकालाई उद्धार, तालिम लगायतका कुरामा मात्रै बोर्ड केन्द्रित नहुने पनि कार्यकारी निर्देशक श्रेष्ठले स्पष्ट पार्नुभयो ।

पूर्व राजदूत तथा वैदेशिक रोजगार विज्ञ उदयराज पाण्डेले विदेश जाने युवालाई ऋणको बोझ कम गराउन सरकारले नै सहुलियत ब्याजमा ऋण उपलब्ध गराउनु पर्ने बताउनुभएको छ ।

बोर्डको १० औं वार्षिकोत्सवका अवसरमा आइतबार काठमाडौंमा भएको कार्यक्रमका उहाँले कामदारका लागि अहिले गरिरहेको काम प्रशंसायोग्य भएपनि प्रर्याप्त नभएको भन्दै कार्य क्षेत्र बढाउन सुझाव दिनुभयो ।

बोर्डले समस्यामा परेका कामदारका लागि उद्धारको काम गरेपनि विदेशस्थितमा पुरुष कामदार समस्यामा पर्दा एउटा सुरक्षित गृहसम्म नभएकाले त्यसतर्फ ध्यान दिन पनि सुझाव दिनुभयो ।

विदेशमा ज्यान गुमाउनेका परिवारलाई झण्डै दुई अर्ब रुपैयाँ सहयोग

बोर्डले १० वर्षको अवधिमा एक अर्ब ६७ करोड ८४ लाख ८४ हजार रुपैयाँ विदेशमा ज्यान गुमाउनेका परिवारलाई आर्थिक सहायता प्रदान गरेको छ ।

विदेशमा ज्यान गुमाएका १५६ जना महिला र ६ हजार ८ सय जना पुरुष गरी जम्मा ६ हजार ९५६ जना मृतकका परिवारलाई यो आर्थिक सहायता प्रदान गरेको बोर्डले जनाएको छ ।

त्यसैगरी बोर्डले १६ करोड ८६ लाख १७ हजार ३१७ हजार रुपैयाँ वैदेशिक रोजगारीको क्रममा अंगभंग वा बिरामी भएर फर्किएका कामदारको आर्थिक सहायतामा खर्चिएको छ । १२ सय ७३ जनालाई यो रकम प्रदान गरेको हो ।

१० वर्षको अवधिमा ४४ खर्ब ८२ अर्ब रेमिट्यान्स विदेशबाट नेपाल भिक्रिएको पनि बोर्डले जारी गरेको प्रतिवेदनमा उल्लेख छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्