इटहरी उपमहानगरद्वारा आर्थिक अवस्था कमजोर भएका परिवारका १०४ जनाको निःशुल्क दाहसंस्कार

कात्तिक १५, २०८० बुधबार १२:५०:५५ | रासस

सुनसरी – सुनसरीको इटहरी उपमहानगरपालिकाले आर्थिक अवस्था कमजोर भएका परिवारका एक सय चारको जनाको निःशुल्क दाहसंस्कार गरेको छ ।

उपमहानगरको सहयोगमा आर्थिक अवस्था कमजोर भएका परिवारका सदस्यको निधनमा निःशुल्क दाहसंस्कार गरिएको उपमहानगर प्रमुख हेमकर्ण पौडेलले जानकारी दिनुभयो । विपन्न परिवारका सदस्यको निधनमा दाहसंस्कारका लागि आवश्यक दाउरा तथा अन्य सामग्रीसहित निःशुल्क दाहसंस्कार गर्दै आएको पनि उहाँले बताउनुभयो ।

यसअघि घरदेखि घाटसम्म शववाहन निःशुल्क गरेको उपमहानगरले दाहसंस्कार गर्न आर्थिक अभाव भएकालाई इटहरीको बूढीगङ्गा–जमुना मुक्तिघाटमा निःशुल्क दाहसंस्कार गर्न थालेको पौडेलले बताउनुभयो । आफ्नै खर्चले दाहसंस्कार गर्न नसक्नेका लागि यस्तो निर्णय गरिएको उहाँको भनाइ छ।

‘मृत्युपछि गरिने अन्त्येष्टिमा आर्थिक समस्या भएर टायरले शव जलाउनुपर्ने अवस्था नआओस् भनेर दाहसंस्कार गर्नुअघि नै दाउरा लगायतका आवश्यक सामग्री घाटमा निःशुल्क दिने व्यवस्था गरेका छौँ,’ पौडेलले भन्नुभयो, ‘साथै नगरवासीको ज्यान गएमा घाटसम्म शव लैजान उपमहानगरले निःशुल्क रूपमा शववाहन उपलब्ध गराउँदै आएको छ ।’

इटहरीका २० वटै वडामा कोहीकसैको ज्यान जाँदा अन्तिम संस्कारका लागि शववाहन तथा बिरामीलाई अस्पताल ल्याउन र लैजान निःशुल्क एम्बुलेन्स सेवा प्रदान गर्दै आएको उपमहानगरले जनाएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इटहरी उपमहानगरद्वारा आर्थिक अवस्था कमजोर भएका परिवारका १०४ जनाको निःशुल्क दाहसंस्कार

फाइल तस्बिर

तपाईको प्रतिक्रिया