चार देशीय महिला टी–२० शृङ्खलाको पहिलो खेलमा नेपाल तान्जानियासँग पराजित

कात्तिक २९, २०८० बुधबार १०:३३:१८ | उज्यालो सहकर्मी

काठमाण्डौ – चार देशीय महिला टी–२० शृङ्खलाको पहिलो खेलमा नेपाल तान्जानियासँग पराजित भएको छ । नेपाललाई तान्जानियाले २७ रनले हराउँदै विजयी शुरुवात गरेको छ । टस जितेर पहिला ब्याटिङ गरेको तान्जानियाले नेपाललाई जितका लागि एक सय १६ रनको लक्ष्य दिएको थियो । तर नेपाल १६ ओभर ५ बलमा ८८ रनमा अलआउट भयो ।

नेपालका सीता रानामगरले सर्वाधिक ४३ रन जोडिन । त्यस्तै कप्तान इन्दू बर्माले १५ रन बनाउनुबाहेक अरु खेलाडीले दोहोरो अङ्कमा रन जोड्न सकेनन् । तान्जानियाले निर्धारित २० ओभरमा सात विकेट गुमाएर एक सय १५ रन बनाएको थियो ।

बलिङतर्फ नेपालका संगिता राईले दुई तथा पुजा महतो, रुविना क्षेत्री र इन्दु बर्माले समान एक/एक विकेट लिए । नेपालले पहिलो पटक तान्जानियासँग खेलेको हो । महिला टी–२० को विश्व वरियतामा तान्जानिया १९ औँ र नेपाल २१ औँ स्थानमा छन् । हङकङले आयोजना गरेको शृङ्खलामा घरेलु टोलीसँगै नेपाल, जापान र तान्जानिया छन् ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चार देशीय महिला टी–२० शृङ्खलाको पहिलो खेलमा नेपाल तान्जानियासँग पराजित

फाइल तस्बिर

तपाईको प्रतिक्रिया