तिहारकाे अवसरमा जावलाखेलमा आलु पार्टी ! नक्कली प्रचण्ड पनि सहभागी

कात्तिक २२, २०७५ बिहीबार ९:५२:३१ | उज्यालो सहकर्मी

काठमाडौं – वि.स. २०३४ सालदेखि निरन्तर मनाउँदै आएको आलु पार्टी हाँस्य व्यंग्य उत्सव यसपाली पनि मनाइएको छ ।

आलु पार्टीमा हाँस्य व्यंग्य कवि तथा कलाकारको उपस्थिति थियो । छक्का पन्जा टिमका दीपक दीपाश्री निरौला, जितु नेपाल, केदार घिमिरे प्रमुख आकर्षण रहेको कार्यक्रममा घनश्याम गौतम ‘नक्कली प्रचण्ड’को प्यारोडीको प्रस्तुति थियो भने डम्बर घिमिरे, मनोज आचार्य, डा. बमबहादुर थापा जिताली, पिँडालु पण्डित, मुना खतिवडा, टेकबहादुर कोइरालालगायतको कवितामार्फत दर्शकलाई मनोरञ्जन दिएका थिए ।

गायक अजय अधिकारी ‘शुशिल’ले सञ्चालन गरेको कार्यक्रममा आलु पार्टी सरकार प्रमुख रामकुमार पाँडेले आलु पार्टीको महिमा सुनाएका थिए ।

कागतिहारको दिनलाई हाँस्य व्यंग्य दिवसको रुपमा मनाउन शँखघोस गरी खोर्सानीको धूप लगाएर १ मिनेट हाँसेर सबैले अनुमोदन गरेका थिए । कार्यक्रममा शिरोमणी दवाडीको ‘मखमली’, अश्विनी कोइरालाको ‘पारिजात’, बिजयराज आचार्यको ‘रातकी रानी’ र किरण पौडेलको ‘गोदावरी’ नामक चार वटा हाइकु सङ्ग्रह पनि विमोचन गरिएको थियो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्