गोलकिपर विशाल श्रेष्ठद्वारा अन्तर्राष्ट्रिय फुटबलबाट सन्यासकाे घोषणा

पुष ७, २०८० शनिबार ६:३८:५ | उज्यालो सहकर्मी

काठमाण्डाै - राष्ट्रिय फुटबल टोलीका गोलकिपर विशाल श्रेष्ठले अन्तर्राष्ट्रिय फुटबलबाट सन्यासको घोषणा गरेका छन् ।

नेपाल सुपर लिग (एनएसएल) को दोस्रो संस्करणमा हिजो टोलीले अन्तिम खेल खेलेपछि विशालले अन्तर्राष्ट्रिय खेलबाट सन्यासको घोषणा गरेका हुन् । उनी एफसी चितवनको कप्तान समेत थिए । अब नयाँ पुस्तालाई अवसर दिनुपर्छ भन्ने लागेर सन्यास लिएको उनले बताएका छन् । उनले नियमित लिग भएको खण्डमा क्लब फुटबलमा केही समय खेल्ने पनि बताएका छन् ।

सन् २०११ मा पहिलो पटक राष्ट्रिय टोलीमा प्रवेश गरेका विशालले सन् २०२१ को सेप्टेम्बर ५ तारिखमा भारतसँगको खेलमा परिवर्तीत खेलाडीका रुपमा डेब्युको अवसर पाएका थिए । दशरथ रङ्गशाला भएको दोस्रो मैत्रीपूर्ण खेलमा कप्तान एवं गोलकिपर किरण चेम्जोङको ठाउँमा ८६औँ मिनेटमा उनी मैदान छिरेका थिए ।

विशाल राष्ट्रिय टोलीबाट धेरै मौका नपाएका तर घरेलु फुटबलमा सफल गोलकिपरका रुपमा पर्छन् । मनाङ मर्स्याङ्दी क्लबबाट ‘ए’ डिभिजन लिग जितेका उनी दुई पटक मछिन्द्र क्लबबाट च्याम्पियन बनेका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गोलकिपर विशाल श्रेष्ठद्वारा अन्तर्राष्ट्रिय फुटबलबाट सन्यासकाे घोषणा

तस्बिर : एन्फा

तपाईको प्रतिक्रिया