ताइवानमा राष्ट्रपति र संसदीय चुनावको मतदान सकियो, मतगणना चल्दै

पुष २८, २०८० शनिबार १५:३९:५० | एजेन्सी

काठमाण्डौ – ताइवानमा सम्पन्न राष्ट्रपति र संसदीय चुनावको मतगणना शुरु भएको छ । आज मतदान सकिएको केहीबेरमै मतगणना शुरु भएको हो । झण्डै एक करोड ९० लाख जनाले मतदान गरेका बीबीसीले जनाएको छ । वर्तमान राष्ट्रपति साई इङ–वेनले आफ्नो दुई कार्यकाल पूरा गरिसकेकाले यो चुनावबाट ताइवानले नयाँ राष्ट्रपति पाउने निश्चित छ ।

सत्तारुढ ‘डेमोक्रेटिक प्रोग्रेसिभ पार्टी’ (डीपीपी) ले वर्तमान उपराष्ट्रपति विलियम लाइलाई उम्मेदवार बनाएको छ । उनलाई ताइवान स्वतन्त्रताको कट्टर समर्थक मानिन्छ । विपक्षी दल ‘कुमिन्टाङ’ (केएमटी) ले ताइपेईका नयाँ मेयर होउ यु–इहलाई उम्मेदवार बनाएको छ ।

होउ यु–इह चीनसँग घनिष्ठ सम्बन्धको पक्षमा हुनुहुन्छ । तर पनि उहाँको पार्टीले चीन समर्थक भएको कुरा अस्वीकार गर्दै आएको छ । केएमटीले आजको मतदानलाई शान्ति र युद्धबीचको चुनाव भनेको छ । अर्को पार्टी ताइवान पिपुल्स पार्टी (टीपीपी) ले को वेन–जेलाई उम्मेदवार बनाएको छ ।

राष्ट्रपतिमा निर्वाचित उम्मेदवारले चार महिनापछि मे २० मा ताइवानको राष्ट्रपतिको शपथ लिनेछन् । ताइवानमा मतदान शुरु हुनु एक दिन अघि हिजो चीनको परराष्ट्र मन्त्रालयले आफ्नो देशको अडान दोहोर्‍याउँदै ताइवान चीनको हिस्सा भएको र विश्वमा चीन एक मात्र भएको बताएको छ ।

ताइवानको यो चुनावले देशको राजनीतिक भविष्य मात्र नभइ चीनसँगको सम्बन्ध पनि तय गर्ने भएकोले ताइवानमा आज भएको चुनावलाई विश्वले चासोको साथ हेरेको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्