बेपत्ता भएका पत्रकार तेजु खड्काको खोजी कार्य फेरि सुरु

कात्तिक २८, २०७५ बुधबार १८:४८:१९ | विमल बिष्ट

डोटी – बाजुराको प्रसिद्ध धार्मिकस्थल बुढीनन्दाबाट जनैपूर्णिमाको मेलाबाट फर्किने क्रममा एका–एक सम्पकविहीन भएका डोटीका पत्रकार तेजबहादुर खड्का ‘तेजु’को पुनः बुधबारबाट खोजी कार्य सुरु गरिएको छ ।

बाजुरा जिल्लाको प्रमुख धार्मिकस्थल बुढीनन्दाबाट कोल्टि फर्किने क्रममा गएको भदौ १० गतेबाट पत्रकार खड्का बेपत्ता भएका थिए । नेपाल पत्रकार महासंघको आग्रहमा स्थानीय प्रशासनले खड्काको खोजीका लागि बुढीनन्दा क्षेत्रमा नेपाली सेनाको हेलिकप्टर खटाएको छ ।

सुदूरपश्चिम पृतना दिपायल राजपुरका अनुसार नेपाली सेनाको हेलिकप्टरले हवाई मार्गबाट बेपत्ता पत्रकार खड्काको खोजी गर्नुका साथै २० जनालाई उहाँ बेपत्ता भएको स्थान छेउछाउको क्षेत्रमा उतारेको छ ।

‘सेनाको हेलिकप्टरले बुधबार बिहान खड्काकी श्रीमती र आफन्त पर्ने अर्की महिलासँगै घटना भएको क्षेत्र नजिकैको बस्ती कुरुका १८ जना स्थानीयलाई लगेर छाडेको छ ।

यसअघि पनि स्थानीय प्रशासनले गएको भदौमा सम्पर्कविहीन भएका पत्रकार खड्काको खोजीका लागि नेपाली सेना र नेपाल प्रहरीको संयुक्त टोली बुढीनन्दा क्षेत्रमा खटाएको भए पनि मौसम अनुकूल नभएका कारण भदौमा हेलिकप्टर बुढीनन्दा क्षेत्रमा जान सकेको थिएन ।

पत्रकार खड्का बेपत्ता भएको धार्मिकस्थल बुढीनन्दा समुन्द्री सतहबाट झण्डै ४२ सय मिटरको उचाईमा रहेको र पत्रकार खड्का ४१ सय मिटरको उचाई क्षेत्रमा पर्ने ‘बर माग्ने डाँडा’ भन्ने ठाउँबाट सम्पर्कविहीन भएको बताइएको छ ।

रेडियो नेपालको दिपायल प्रदेश प्रशारण केन्द्र दिपायल, हुँदै केन्द्रीय प्रशारण केन्द्र सिंहदरबारमा समेत काम गरिसकेका पत्रकार खड्का पछिल्लो समय बजुराको कोल्टीमा रहेको रेडियो बुढीनन्दामा स्टेशन म्यानेजरको रुपमा कार्यरत थिए ।

बुढीनन्दामा मेला भरेर झण्डै ५ घण्टाको दूरीमा पर्ने ‘बर माग्ने डाँडा’ क्षेत्रमा पुगिसकेपछि उनी थर्मस छुटेको भन्दै मेलास्थल फर्केको र पछि एकाएक बेपत्ता भएको बताइएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्