भारत र युरोपेली स्वतन्त्र व्यापार सङ्घबीच एक सय अर्ब डलरको सम्झौतामा हस्ताक्षर

फागुन २७, २०८० आइतबार १८:२४:१० | एजेन्सी

भारत र चार सदस्यीय युरोपेली स्वतन्त्र व्यापार सङ्घ (ईएफटीए) बीच लगानी र निर्यात प्रवर्द्धन गर्नका लागि एक सय अर्ब डलरको स्वतन्त्र व्यापार सम्झौतामा हस्ताक्षर भएको छ ।

भारतका व्यापारमन्त्री पियुष गोयलले सम्झौताअन्तर्गत नर्वे, स्विट्जरल्यान्ड, आइल्यान्ड र लिक्टन्स्टाइनसहित गैरयुरोपेली सङ्घ देशबाट बनेको ईएफटीएले भारतमा १५ वर्षमा एक सय अर्ब डलरको लगानी गर्ने बताउनुभएको एएफपीले जनाएको छ ।

१६ वर्ष लामो वार्तापछि यो सम्झौतामा हस्ताक्षर भएको हो । सम्झौतापछि झन्डै एक लाख रोजगारी सिर्जना हुने खबरमा उल्लेख छ । भारतीय प्रधानमन्त्री नरेन्द्र मोदीले व्यापार सम्झौता ‘खुला, निष्पक्ष र समतामूलक व्यापारका लागि साझा प्रतिबद्धताको प्रतीक भएको’ बताउनुभएको सम्झौतापछि निकालिएको विज्ञप्तिमा उल्लेख छ ।

ईएफटीएको स्थापना आफ्ना सदस्यहरूबीच स्वतन्त्र व्यापार तथा आर्थिक एकीकरणलाई बढाउनका लागि सन् १९६० मा भएको थियो । सन् २०२१ मा ईएफटीए वस्तुको हिसाबले विश्वको १० औँ सबैभन्दा ठूलो र सेवाका हिसाबले आठौँ सबैभन्दा ठूलो व्यापारी थियो ।

पछिल्ला वर्षहरूमा भारतले अस्ट्रेलिया र संयुक्त अरब इमिरेट्स (यूएई) सँग व्यापार सम्झौतामा हस्ताक्षर गरेको छ । बेलायतसँग लामो समयदेखि छलफल भएको व्यापार सम्झौता पनि अन्तिम चरणमा पुगेको खबरमा उल्लेख छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारत र युरोपेली स्वतन्त्र व्यापार सङ्घबीच एक सय अर्ब डलरको सम्झौतामा हस्ताक्षर

तस्बिर : एजेन्सी

तपाईको प्रतिक्रिया