भारतमा अत्यधिक गर्मीमा काम गर्ने गर्भवती महिलामा गर्भपतन र मृत बच्चा जन्मने जोखिम उच्च

चैत ८, २०८० बिहीबार १५:४०:५५ | एजेन्सी

भारतमा अत्यधिक गर्मीमा काम गर्ने गर्भवती महिलामा गर्भपतन र मृत बच्चा जन्मने जोखिम उच्च रहेको पाइएको छ । एक अध्ययनअनुसार भविष्यमा हुने आमाहरूका लागि जोखिम पहिलेको भन्दा निकै बढ्ने पनि सम्भावना छ ।

सन् २०१७ मा चेन्नईको श्री रामचन्द्र उच्च शिक्षा तथा अनुसन्धान संस्थानले शुरु गरेको अध्ययनमा दक्षिणी भारतीय राज्य तमिलनाडुका आठ सय जना गर्भवती महिलाले भाग लिएका थिए । झन्डै आधा सहभागीहरूले कृषि, इँटा भट्टी र नुन उद्याेगजस्ता उच्चस्तरको तापको जोखिममा रहेका काम गरेका थिए । अन्यले विद्यालय र अस्पतालजस्ता चिसो वातावरणमा काम गरेका थिए ।

अध्ययनले चिसोमा काम गर्ने गर्भवती महिलाको तुलनामा गर्मीमा काम गर्नेहरूको गर्भपतनको सम्भावना दुई गुणा धेरै रहेको देखाएको बीबीसीले जनाएको छ । अध्ययनमा सहभागी गर्भवती महिला जलवायु परिवर्तनको अनुभव गर्ने अग्रपङ्क्तिमा रहेका खबरमा उल्लेख छ ।

पृथ्वीको औसत तापक्रम यो शताब्दीको अन्त्यसम्ममा झन्डै तीन डिग्रीले बढ्ने अनुमान गरिएको छ । यसले विश्वभरका महिलालाई नै थप समस्यामा पार्ने अनुसन्धानले देखाएको छ । यसअघि गरिएको अध्ययनले गर्मीको लहरमा समयपूर्व जन्म र मृत जन्मको जोखिममा १५ प्रतिशतको वृद्धि भएको देखाएको छ । यी अध्ययन सामान्यतया अमेरिका र अस्ट्रेलियाजस्ता उच्च आय भएका देशहरूमा गरिएको थियो । तर अहिले भारतमा गरिएका अध्ययनका निष्कर्षहरू झन् कठोर र चिन्ताजनक रहेको अध्ययनमा सहभागी वैज्ञानिकहरूमध्ये एक प्रोफेसर जेन हर्स्टले बताउनुभएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारतमा अत्यधिक गर्मीमा काम गर्ने गर्भवती महिलामा गर्भपतन र मृत बच्चा जन्मने जोखिम उच्च

फाइल फाेटाे

तपाईको प्रतिक्रिया