अफगानिस्तानको कान्दाहारमा भएको आत्मघाती बम विस्फोटको जिम्मा आईएसले लियाे

चैत ९, २०८० शुक्रबार ९:१३:४८ | एजेन्सी

अफगानिस्तानको दक्षिणी सहर कान्दाहारमा भएको आत्मघाती बम विस्फोटको जिम्मेवारी विद्रोही समूह इस्लामिक स्टेट (आईएस) ले लिएको छ ।

हिजो भएको बम विस्फोटमा कम्तीमा २१ जनाको ज्यान गएको बीबीसीले जनाएको छ । अफगानिस्तानको तालिबान सरकारले कान्दाहार शहरको बैंकमा आत्मघाती बम विष्फोट भएको बताएको छ । आईएसले बम विष्फोटको जिम्मेवारी लिँदै तालिबान लक्षित आक्रमण गरेको बताएको छ ।

आईएसको समाचार एजेन्सी अमाकले आक्रमणकारीले झन्डै एक सय ५० तालिबानी सदस्यबीच विस्फोटक पदार्थ विस्फोट गराएको बताएको खबरमा उल्लेख छ । यो अफगानिस्तानमा यस वर्षको सबैभन्दा ठूलो विस्फोट हो । सरकारी कर्मचारी तलब लिन लाइनमा उभिरहेका बेला बैंकको शाखामा बम विष्फोट भएको हो ।

तालिबान सरकारले ज्यान गुमाउनेको सङ्ख्या तीन जनामात्रै भने पनि कान्दाहारको सबैभन्दा ठूलो अस्पताल मिरवाइसका एक डाक्टरले विस्फोटमा २१ जनाको ज्यान गएको र कम्तीमा ५० जना घाइते भएको बताएका छन् ।

तालिबानका सर्वोच्च कमान्डर बस्ने कान्दाहार सहर तालिबानको शक्तिको केन्द्र मानिन्छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्