युएईमा रहेको नेपाली दूतावास नयाँ ठाउँमा सर्ने, अहिलेको भन्दा पायक पर्ने

पुष ४, २०७५ बुधबार १२:३०:३२ | उमाकान्त पाण्डे

युएई – युएईमा रहेको नेपाली दूतावास आउँदो जनवरी १ अर्थात पुस १७ गतेदेखि नयाँ ठाउँमा सर्ने भएको छ ।

अहिले दूतावास रहेको घरसँगको पाँचवर्षे सम्झौता डिसेम्बरदेखि सकिने भएपछि नेपाल र युएईको परराष्ट्र मन्त्रालयमार्फत स्वीकृति लिएर नयाँ भवनका लागि मंगलबार सम्झौता भएको हो ।

सम्झौता अनुसार नयाँ भवनको वार्षिक ४ लाख दिर्हाम अथवा झन्डै सवा एक करोड रुपैयाँ घरभाडा बुझाउनु पर्नेछ ।

यसअघि प्रयोग गर्दे आएको भवनमा समेत यसैअनुसारको सम्झौता थियो । यो समेत गरेर दूतावासले ५ औं पटक स्थान परिवर्तन गरिसकेको छ ।

साढे तीन तल्लाको नयाँ भवनमा १८ वटा कोठा सहित झन्डै ४ सय जना एकै पटक सहभागी हुन सक्ने ठूलो कम्पाउण्ड रहेको दूतावासले जनाएको छ । भवनभित्रै महिलाका लागि सुरक्षित आवास गृह पनि रहेको छ ।

अहिलेको भन्दा पायक

दूतावासको नयाँ भवन आबुधाबीमा रहेको बसपार्कबाट ४ सय मिटर पूर्वमा पर्छ । युएईका अरु राज्यबाट नयाँ ठाउँ पुग्न मुख्य बसपार्कमा झरेर पूर्वतर्फको आकाशे पुल पार गरी तीनदेखि पाँच मिनेटसम्म हिँड्नुपर्छ ।

अहिले रहेको कार्यालय आबुधाबी बसपार्कबाट टाढा पर्छ । युएईको अरु राज्यबाट दूतावास पुग्ने नेपालीले बसपार्क ओर्लेर फेरि अर्को गाडी प्रयोग गर्नुपर्ने बाध्यता छ ।

अतिरिक्त सवारी प्रयोग गर्दा न्युनतम १२ दिर्हाम अथवा ३५० रुपैयाँ एकतर्फी खर्च हुने गरेको छ । दूतावास नयाँ भवनमा सरेपछि पैसा र समयको बचत हुने भएको छ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

2 Comments

CHHOTE LAL SARDAR
May 27, 2020, 1:41 p.m.
my visa canceled before 2 month i don't have cash,food etc.... i need go to my country Please help me 00971 563027390
Raj lamsal
Dec. 19, 2018, 2:51 p.m.
कहाँ सर्ने भन्ने निर्णय नभै सकेको जस्तो बुझियो सायद त्यो पनि चाडै समाचार आउला भन्ने प्रतीक्षामा छु।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

युएईमा रहेको नेपाली दूतावास नयाँ ठाउँमा सर्ने, अहिलेको भन्दा पायक पर्ने

अहिलेको भन्दा पायक

2 Comments

CHHOTE LAL SARDAR

Raj lamsal

तपाईको प्रतिक्रिया