सप्तरीका एक युवक मलेसियाको सडकमा मृत फेला

माघ १८, २०७५ शुक्रबार १६:५८:५८ | उज्यालो सहकर्मी

सप्तरी – वैदेशिक रोजगारीमा गएका सप्तरीका एक युवक मलेसियाको सडकमा मृत अवस्थामा भेटिएका छन् ।

वैदेशिक रोजगारीका लागि ७ महिनाअघि मलेसिया गएका सप्तरीको डाक्नेश्वरी नगरपालिका वडा नं. १० बनौला निवासी अन्दाजी २१ वर्षीय भोला माझी त्यहाँ रहेको जोहोर बारू गेलेनपाता सडकमा मृत भेटिएका हुन् ।

मृतकको घरमा आमा, बुवा, श्रीमती र दुई छोरीहरू रहेको वडा अध्यक्ष जुगेश्वर प्रसाद साहले फोन मार्फत आप्रवासन श्रोत केन्द्रमा जानकारी दिएको कार्यक्रम संयोजक रामप्रवेश मण्डलले जानकारी दिनुभयो ।

यता मृतक माझीको शव ल्याउने प्रकृया अगाडि बढाइसकिएको संयोजक मण्डलले बताउनुभयो ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)