विदेश जाने घटे, ६ महिनामै ४ खर्ब ४३ अर्ब रेमिट्यान्स भित्रियो

फागुन २, २०७५ बिहीबार ११:५८:३६ | उज्यालो सहकर्मी

काठमाण्डौ – चालु आर्थिक वर्षको ६ महिनामा विदेश जाने घटेका छन् भने रेमिट्यान्स चाहिँ बढेको छ । साउनदेखि पुससम्ममा ४ खर्ब ४३ अर्ब ३६ करोड रेमिट्यान्स भित्रिएको नेपाल राष्ट्र बैंकले जनाएको छ ।

राष्ट्र बैककाअनुसार अघिल्लो आर्थिक वर्षको तुलनामा ३० दशमलब २ प्रतिशतले रेमिट्यान्स बढेको हो । रेमिट्यान्स बढे पनि यस अवधिमा वैदेशिक रोजगारीमा जानेको संख्या भने घटेको छ ।

साउनदेखि पुससम्ममा वैदेशिक रोजगारीमा जाने नेपालीको संख्या ३९ दशमलब १ प्रतिशतले घटेको नेपाल राष्ट्र बैंकले जनाएको छ । अघिल्लो वर्ष यसै अवधिमा वैदेशिक रोजगारीमा जानेको संख्या १ दशमलब ८ प्रतिशतले घटेको थियो ।

राष्ट्र बैंकका अनुसार चालु आर्थिक वर्षको ६ महिनामा मलेसिया जाने नेपालीको संख्या उल्लेख्य घटेको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)