धादिङका २९ जना विदेशमा हराए

असार २८, २०७५ बिहीबार १६:४९:४१

काठमाडौं – धादिङबाट वैदेशिक रोजगारीमा गएका २९ जना हराएका छन् । सुरक्षित आप्रवासन परियोजना सञ्चालन भएको ४ वर्षमा हराएका व्यक्तिका परिवारले दिएको निवेदनका आधारमा परियोजनाले यस्तो जानकारी गराएको हो ।

चार वर्षमा ४९ जना हराएको निवेदन परियोजनाले सञ्चालन गरेको सूचना केन्द्रमा परेकोमा केन्द्रको सहयोगमा २० जना सम्पर्कमा आएका छन् । उनीहरुमध्ये ११ जना घर फर्किएको केन्द्रका परामर्शकर्ता विनोद ढकालले बताउनुभयो ।

चार बर्षमा केन्द्रमा ४ सय ४४ वटा निवेदन दर्ता भएको र २० हजार ८ जनालाई परामर्श दिइएको केन्द्रले जनाएकाे छ। रोजागारीमा जानेमध्ये मलेसिया जाने धेरै समस्यामा पर्ने गरेको पाइएको परियोजना सञ्चालन गरिरहेको सिड्स धादिङकी कार्यक्रम संयोजक गंगा सुवेदीले बताउनुभयो ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)