प्रधानमन्त्री प्रचण्डले १८ महिनामा ५ औँ पटक विश्वासकाे मत लिँदै, विपक्षमा मतदान गर्न कांग्रेसको 'ह्विप'

असार २७, २०८१ बिहीबार १५:३:५७ | उज्यालो सहकर्मी

काठमाण्डाै – नेपाली कांग्रेसले प्रधानमन्त्री पुष्पकमल दाहाल प्रचण्डको विश्वासको मतको विपक्षमा मतदान गर्न 'ह्विप' जारी गरेको छ । कांग्रेस संसदीय दलका प्रमुख सचेतक रमेश लेखकले बैठकमा अनिवार्य उपस्थित भई विपक्षमा मतदान गर्न ह्विप जारी गर्नुभएको हो । यसअघि हिजो नेकपा एमालेले पनि प्रधानमन्त्री प्रचण्डको विश्वासको मतको विपक्षमा मतदान गर्न ह्विप जारी गरेको थियो ।

एमालेले सरकारलाई दिएको समर्थन फिर्ता लिएपछि प्रधानमन्त्री प्रचण्डले भोलि प्रतिनिधि सभामा विश्वासको मत लिँदै हुनुहुन्छ । उहाँले यो कार्यकालको १८ महिनामा ५ औँ पटक विश्वासको मत लिन लाग्नुभएको हो ।

२०७९ सालको मङ्सिर ४ गते सम्पन्न प्रतिनिधि सभाको चुनावपछि संसद्‍मा तेस्रो ठूलो दल बनेको नेकपा (माओवादी केन्द्र) का अध्यक्ष प्रचण्ड २०७९ साल पुस ११ गते तेस्रो कार्यकालका लागि प्रधानमन्त्रीमा नियुक्त हुनुभएको थियो । प्रधानमन्त्रीमा नियुक्त भएको १५ दिनपछि विश्वासकाे मत लिँदा उहाँले २ सय ६८ जनाको मत प्राप्त गर्नुभएको थियो । एमालेलगायतका दलले समर्थन फिर्ता लिएपछि २०७९ साल चैत ६ गते दोस्रोपटक विश्वासको मत लिँदा उहाँले १ सय ७२ मत प्राप्त गर्नुभयो । यस्तै २०८० साल फागुन ३० गते कांग्रेससँगको गठबन्धन तोडेर एमालेसहितको गठबन्धन बनाएपछि तेस्रोपटक विश्वासको मत लिँदा प्रचण्डले १ सय ५७ मत प्राप्त गर्नुभएको थियो । त्यस्तै जनता समाजवादी पार्टी नेपालले समर्थन फिर्ता लिएपछि गएको जेठ ७ गते विश्वासको मत लिँदा उहाँले १ सय ५७ मत प्राप्त गर्नुभयो ।

यस पटक भने प्रधानमन्त्री प्रचण्डले विश्वासको मत पाउने सम्भावना नरहेको दलहरू बताउँछन् । विश्वासको मत नपाएमा उहाँ स्वतः पदमुक्त हुनुहुने छ । त्यसपछि एमालेका अध्यक्ष केपी शर्मा ओली प्रधानमन्त्री बन्ने कांग्रेस र एमालेबीच सहमति भएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्री प्रचण्डले १८ महिनामा ५ औँ पटक विश्वासकाे मत लिँदै, विपक्षमा मतदान गर्न कांग्रेसको 'ह्विप'

फाइल फाेटाे

तपाईको प्रतिक्रिया