‘हिंसा’ शब्द अभिलेखबाट हटाउन नपर्ने सभामुखको रुलिङ, माओवादीको आपत्ति, संसद् बैठक स्थगित

भदौ २६, २०८१ बुधबार १४:५४:१९ | उज्यालो सहकर्मी

काठमाण्डाै – सभामुख देवराज घिमिरेले ‘हिंसा’ शब्द असंसदीय नभएको भन्दै रेकर्डबाट हटाउन नपर्ने बताउनुभएको छ । साथै उहाँले आउँदा दिनमा शब्द छनोटमा ध्यान दिन पनि अनुरोध गर्नुभएको छ ।

गएको भदौ १२ गते संसद् बैठकमा नेकपा एमालेका सांसद योगेश भट्टराईले माओवादी जनयुद्धलाई हिंसाको टिप्पणी गर्नुभएको थियो । परामर्श समिति र संसद् सचिवालयको परामर्श लिएर हिंसा शब्द अभिलेखबाट हटाउन नपर्ने निर्णय लिएको सभामुख घिमिरेले बताउनुभयो । आजको प्रतिनिधिसभा बैठकमा सचिवालयको निर्णय सुनाउँदै उहाँले हिंसा शब्द हटाउन नपर्ने बताउनुभएको हो ।

तर बैठकमा प्रमुख प्रतिपक्षी दल नेकपा माओवादी केन्द्रका प्रमुख सचेतक हितराज पाण्डेले हिंसा शब्द संविधान र कानुन विपरीत भएको भन्दै आपत्ति जनाउनुभयो । लगत्तै एमाले सांसद रघुजी पन्तले सभामुखको रुलिङमा प्रश्न उठाउने विषय नभएको उल्लेख गर्नुभयो । माओवादीका सांसदहरूले उठेर आपत्ति जनाएपछि आजको बैठक स्थगित भएको छ । प्रतिनिधिसभाको अर्को बैठक आउँदो ३० गते आइतवार दिउँसो १ बजे बस्नेछ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्