युद्धका कारण इजरायलको अर्थतन्त्रमा ठूलो असर

कात्तिक १३, २०८१ मंगलबार १३:३:२० | एजेन्सी

युद्धका कारण इजरायलको अर्थतन्त्रमा ठूलो असर परेको छ । पछिल्लो युद्ध इजरायलको इतिहासकै लामो र खर्चिलो बनेको छ । पछिल्लो एक वर्षमा इजरायलले हजारौँ सुरक्षाकर्मी गाजा र दक्षिण लेबनानमा पठाएको छ । हजारौँको सङ्ख्यामा हवाई आक्रमण गरेको छ ।

आफूमाथि भएका क्षेप्यास्त्र र ‘ड्रोन’ हमलालाई निस्तेज पार्न हवाई प्रतिरक्षा प्रणालीको प्रयोग गर्ने क्रममा उसले दशौँ लाख डलर खर्च गरेको ठानिएको बीबीसीले उल्लेख गरेको छ । इजरायलका अर्थमन्त्री बेल्सालेल स्मोट्रिचले युद्धका लागि आफ्नो देशले ६० अर्ब डलर भन्दा बढी चुकाउनुपर्ने अवस्था रहेको बताउनुभएको छ ।

हमास र हिजबुल्लाहविरूद्धको लडाइँले देशको अर्थतन्त्रमाथि गम्भीर असर पारिसकेको विश्लेषण गरिएको छ । अर्थमन्त्री स्मोट्रिचले संसद्लाई सम्बोधन गर्दै इतिहासकै लामो र खर्चिलो युद्धमा रहेको यसअघि बताउनुभएको थियो ।

ब्याङ्क अफ इजरायलका पूर्व गभर्नर कार्निट फ्लोगले सरकारले नोक्सानी कम गर्न कर बढाउनुपर्ने बताउनुभएको छ । अर्थविद्हरूले चुलिएको सैन्य खर्चलाई धान्ने हिसाबले खर्च कटौतीसहित सन् २०२५ का लागि बजेट प्रकाशित गर्न सरकारलाई अनुरोध गरिरहेका छन् ।

सन् २०२३ को अक्टोबर अघिसम्म इजरायलको अर्थतन्त्र बलियो हुँदै गइरहेको थियो तर युद्ध शुरु भएयता सङ्कुचित हुन पुगेको छ । ब्याङ्क अफ इजरायलले सन् २०२४ मा अर्थतन्त्र जम्मा शून्य दशमलव ५ प्रतिशतले बढ्ने जनाएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

युद्धका कारण इजरायलको अर्थतन्त्रमा ठूलो असर

तस्बिर : एजेन्सी

तपाईको प्रतिक्रिया