भागबन्डा मिलाउनका लागि बाग्मती प्रदेश सरकारले मन्त्रालय फुटाएर १४ वटा पुर्‍यायो

कात्तिक २७, २०८१ मंगलबार १५:१२:० | उज्यालो सहकर्मी

काठमाण्डाै – भागबन्डा मिलाउनका लागि बाग्मती प्रदेश सरकारले मन्त्रालय फुटाएर १४ वटा पुर्‍याएको छ ।

बाग्मती प्रदेश सरकारको आज बसेको मन्त्रिपरिषद् बैठकले संस्कृति, पर्यटन तथा सहकारी मन्त्रालय विभाजन गर्ने निर्णय गरेको सरकारका प्रवक्ता, आन्तरिक मामिला तथा कानूनमन्त्री सुरजचन्द्र लामिछानेले जानकारी दिनुभयाे ।

सरकारले विनाविभागीयमन्त्री रहेका मधु श्रेष्ठलाई जिम्मेवारी तोक्नका लागि मन्त्रालय विभाजन गरेको हो । बाग्मती प्रदेशमा अब नयाँ मन्त्रालयको रूपमा सहकारी तथा गरिबी नियन्त्रण मन्त्रालय बनेको छ ।

गएको साउन ९ गते मुख्यमन्त्री बहादुरसिंह लामासँगै मन्त्रीको शपथ लिएका नेपाली कांग्रेसका नेता मधु श्रेष्ठलाई एक सय ११ दिनसम्म पनि जिम्मेवारी दिन नसकेको भन्दै आलोचना भए पनि आज मन्त्रालय नै फुटाइएको एक जना मन्त्रीले जानकारी दिएका छन् ।

२०७४ सालमा सात वटा मन्त्रालयबाट प्रदेश सरकारको कार्यकाल शुरू भएकोमा विभिन्न दल नेतृत्वका सरकारले फुटाउँदा फुटाउँदै १४ वटा पुर्‍याएका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्