विदेशमा नेपाली कामदारको माग बढ्यो, जाने घटे

जेठ ३०, २०७५ बुधबार १२:२२:५४ | उज्यालो सहकर्मी

काठमाडौं – निःशुल्क भिसा र टिकटको व्यवस्था लागु भएपछि विदेश जानेको संख्या घटे पनि कामदारको माग भने बढेको छ ।

यो व्यवस्था लागु भएको २०७२ जेठ भन्दा २ वर्ष अगाडि (२०७० असारदेखि २०७२ जेठसम्म) र २ वर्ष पछि (२०७२ असारदेखि २०७४ जेठसम्म)सम्म वैदेशिक रोजगार विभागबाट कामदारको मागमा दिइएको पूर्व स्वीकृतिको तुलना गर्दा यो तथ्य देखिएको हो ।

अघिल्लो अवधि (२०७० असारदेखि २०७२ जेठसम्म) को तुलनामा पछिल्लो अवधि (२०७२ असारदेखि २०७४ जेठसम्म) मा यी देशबाट भएको समग्र माग ४.७ प्रतिशतले बढेको देखिन्छ ।

मलेसिया र साउदीको माग भने घट्यो

देशगत रुपमा कामदारको मागको अवस्था भने फरक फरक रहेको छ । यो अवधिमा मलेसिया र साउदीबाट आउने कामदारको माग भने घटेको छ । मलेसियाबाट हुने मागमा उल्लेख्य गिरावट आएको छ । नेपालको कारणले भन्दा पनि मलेसियाको श्रम बजार सम्बन्धी नियमको कारणले गिरावट आएको नेपाल राष्ट्र बैंकले जनाएको छ ।

बैंकले मंगलबार जारी गरेको निःशुल्क भिसा तथा टिकटको प्रावधानको वैदेशिक रोजगारीमा प्रभावबारेको रिपोर्ट अनुसार मेडिकल जाँच सम्बन्धी बाध्यकारी र महङ्गो प्रावधानले गर्दा पनि मलेसिया जाने कामदारको प्रवाहमा कमी आएको तथा अन्तर्राष्ट्रिय बजारमा कच्चा तेलको मूल्यमा आएको गिरावटले साउदीबाट हुने कामदारको मागमा कमी आएको हो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्