किन धुम्मियो आकाश ?

मौसमविद् भन्छन् – ‘ हल्का वर्षाको सम्भावना छ’

पुष २, २०७५ सोमबार ११:५४:५७ | उज्यालो सहकर्मी

काठमाण्डाै – पुसको महिना यसै पनि जाडो । बिहानैदेखि आकाश धुम्मियो । एकछिन घाम लाग्लाजस्तो भए पनि फेरि बादलले ढाकिहाल्छ । पुसको जाडोमा घाममा बस्न खोज्नेहरु आकाशतिर हेर्दै, विरक्तिन थालेका छन् ।

मौसममा बदली भएर घामले लुकामारी गर्न थालेपछि हामीले जल तथा मौसम पूर्वानुमान महाशाखामा सोध्यौँ ‘किन आज आकाश धुम्मियो ?’

महाशाखाका मौसमविद् वरुण पौडेलले भन्नुभयो ‘बंगालको खाडी हुँदै उत्तर पश्चिमतिर फैलिरहेको सामुद्रिक आँधीको प्रभावले नेपालको मौसममा पनि प्रभाव पारेको छ । यसैको प्रभावले आज घाम लागेको छैन । पेथाई नाम दिइएको यो आँधीको प्रभावले आज बिहानैदेखि उपत्यकासहित देशका पूर्वी भागको आकाश धुम्मिएको छ ।’ मौसमविद् पौडेलका अनुसार सोमबार र मंगलबार यसको प्रभाव रहन्छ ।

सोमबार बिहान काठमाडौंको न्यूनतम तापक्रम २ दशमलव ५ डिग्री सेल्सियसमा झरेको छ । सोमबार यो वर्षकै कम तापक्रम मापन गरिएको हो । आइतबार काठमाडौंको न्यूनतम तापक्रम ३ डिग्री सेल्सियस थियो ।

मौसमविद् पौडेलका अनुसार सोमबार र मंगलबार दिउँसो काठमाडौंसहित देशका पहाडी भेगमा आंशिक बदली हुने सम्भावना छ ।

‘यो सामुद्रिक आँधीको अप्रत्यक्ष असर हो । अप्रत्यक्ष असर भएका कारण यसको प्रभाव धेरै रहँदैन । माैसमविद् पाैडेलले भन्नुभयाे पूर्वी पहाडी भेगमा हल्का वर्षा हुने देखिएको छ तर ठूलो पानी पर्ने सम्भावना छैन ।’ पूर्वका उच्च पहाडी र मध्यको उच्च पहाडी भेगमा भने हिमपातको सम्भावना रहेको मौसम पूर्वानुमान महाशाखाले जनाएको छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्