विश्वकप फुटबल: अायाेजक रुसकाे लागातार दाेस्राे जित

असार ६, २०७५ बुधबार ६:४३:३७ | उज्यालो सहकर्मी

इजिप्टलाई ३–१ ले हराएपछि आयोजक राष्ट्र रुस फिफा विश्वकपको नकआउट चरण नजिक पुगेको छ ।

मंगलबार राति भएकाे दाेस्रो खेलमा इजिप्टमाथि जित हात पारेपछि रुसले समूहमा ६ अंक बनाएको छ ।

पहिलो खेलमा उरुग्वेसँग पराजित भएको इजिप्ट भने घर फर्किने सम्भावना बढेको छ । आज हुने खेलमा साउदी अरेबियाले उरुग्वेविरुद्धको खेलमा जित निकाल्न नसकेको खण्डमा इजिप्ट बाहिरिने छ भने रुस प्रिक्वार्टर फाइनलमा पुग्नेछ ।

सेन्ट पिटर्सबर्गमा भएको खेलको पहिलो हाफ गोलरहित बराबरीमा सकियो । ४७औं मिनेटमा अहमद फातिले आफ्नै पोस्टमा गोल गरेपछि रुसले अग्रता लियो ।

रोमन जोब्निनको प्रहार बचाउने क्रममा इजिप्टका फातीले आत्मघाती गोल गरेका थिए ।

५९औं मिनेटमा डेनिस चेरिसेभले गोल गर्दै रुसलाई २–० को अग्रता दिलाए । उनले मारियो फर्नाण्डेजको पासमा गोल गरेका थिए । यो गोलसँगै चेरिसेभले दुई खेलमा तीन गोल पुर्याएका छन् ।

तीन मिनेटपछि आर्टेम ज्युबाले उत्कृष्ट व्यक्तिगत गोल गर्दै रुसको अग्रता ३–० मा लम्ब्याए ।

७३औं मिनेटमा इजिप्टले पेनाल्टी पायो । इन्ज्युरीका कारण पहिलो खेल नखेलेका सलाहलाई डिबक्स भित्र लडाएपछि पाएको पेनाल्टीलाई सलाहले नै गोलमा परिणत गरे ।

तर त्यो गोल हार टार्नका लागि पर्याप्त भएन ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्