सडक विस्तारमा वडा सदस्यकै श्रीमान बाधक

जेठ ५, २०७६ आइतबार १८:४६:२४ | मनिराज पाण्डे

कालिकोट – रास्कोट नगरपालिकामा केही जग्गाधनीका कारण सडक विस्तारमा विवाद भएको छ ।

सबै बस्तीमा सडक पुर्‍याउने लक्ष्यका साथ सडक निर्माण भइरहेको रास्कोट नगरपालिकामा वडा सदस्यकै श्रीमान बाधक बन्दा स्थानीयले सास्ती खेप्नु परेको छ ।

रास्कोट नगरपालिका-२ का मनिप्रसाद उपाध्यायले आफ्नो जग्गाबाट सडक विस्तार भएकाले आफूले जग्गाको मुआब्जा पाउनुपर्ने र आफ्नाे जग्गामा बनेकाे सडकमा जे पनि गर्न पाउनुपर्ने भन्दै सडकमा अवराेध गरिरहनु भएकाे छ । उहाँ रास्कोट नगरपालिका २ की महिला वडा सदस्यका श्रीमान हुनुहुन्छ ।

निर्माण गरिएको सडकमा अवराेध भएपछि सडक अन्यत्रै सार्नुपर्ने अवस्था आएको वडा नं २ का अध्यक्ष दयाराम सिम्खाडाले बताउनुभयो । अध्यक्ष सिम्खाडाले उपाध्याय दम्पतीका कारण नगरको ठूलो लगानी खेर गएको बताउनुभयो ।

जग्गाधनी उपाध्यायले आफ्नो जग्गाबाट सडक लैजान नदिएपछि नगरपालिका बाध्य भएर अन्य स्थानबाट सडक विस्तार गर्ने स्थितिमा पुगेको नगरप्रमुख काशीचन्द्र बरालले बताउनुभयो । ‘उपाध्यायले कुरा बुझ्नु हुन्छ कि भनेर धैर्य गरिरहेका छौँ, मान्नु भयो भने ठिकै छ नत्र सडक फरक तरिकाले अगाडि बढाउँछौँ,’ उहाँले भन्नुभयो ।

नगरपालिका, न्यायिक समिति र प्रहरीसमेत बसेर गरेकाे निर्णय अटेर गर्नु र गाउँ तथा समाजलाई दुःख दिने नियत ठिक नभएको नगरप्रमुख बरालले बताउनुभयो ।

आवत–जावतमा कठिनाइ भएपछि फरक ठाउँबाट सडक विस्तार गरिदिन स्थानीयले नगरपालिकामा सामूहिक निवेदन दिएका छन् । नगरले गरेको निर्णयको अपहेलना गर्ने उपाध्यायलाई कानुनी कारबाही हुने नगर उपप्रमुख मिम्सरा बमले जानकारी दिनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्