विपन्न परिवारलाई निःशुल्क विद्युत मिटर वितरण

जेठ १६, २०७६ बिहीबार १८:४८:५६ | विमल बिष्ट

डोटी - दिपायल सिलगढी नगरपालिकाले नगरपालिका भित्र रहेका विपन्न नागरिकका लागि निःशुल्क विद्युत मिटर वितरण गरेको छ ।

नेपाल विद्युत प्राधिकरण अत्तरियाका क्षेत्रीय प्रमुख सतिसकुमार कर्णले शुभारम्भ गरेकाे कार्यक्रम अन्तरगत वडा नं. २ का ८ जना र वडा नं. ५ का ३ जना गरी जम्मा ११ जनालाई निःशुल्क रुपमा मिटर बक्स प्रदान गरिएको हाे । कार्यक्रममा प्रमुख अतिथि एवं क्षेत्रीय प्रमुख कर्णले नेपाल विद्युत प्राधिकरणले विद्युत उत्पादन र बिक्री वितरण गर्ने भए पनि सामाजिक दायित्व पनि उत्तिकै भएकाले विपन्न नागरिकलाई निशुल्क सेवा प्रदान गरिएको बताउनुभयो ।

प्राधिकरणले अति विपन्न परिवारका लागि निःशुल्क विद्युतको मिटर, एमसीबी र २ वटासम्म बिजुलीकाे खम्बा वितरण गर्ने तथा साँस्कृतिक महत्व बोकेका सार्वजनिक स्थलमा पनि त्याे सेवा निःशुल्क प्रदान गरिरहेको विद्युत प्राधिकरण डोटी वितरण केन्द्र प्रमुख बुद्धिनाथ झाले बताउनुभयो ।

कार्यक्रममा दिपायल सिलगढी नगरपालिकाका कार्यवाहक नगर प्रमुख शिवराज खड्काले बिजुली बाल्न नपाएर अँध्यारोमा बस्न बाध्य घर परिवारलाई विद्युत प्राधिकरणसँगको समन्वयमा नगरपालिकाले पहलकदमी लिएकाे बताउनुभयो । मिटर, खम्बा र तारले मात्रै नपुग्ने भन्दै खड्काले ट्रान्सफर्मरको उचित व्यवस्था गरी प्रभावकारी रुपमा बत्ती बाल्ने व्यवस्थाका लागि प्राधिकरणसँग आग्रह पनि गर्नुभयो ।

त्यस्तै डोटीको शिखर नगरपालिकामा पनि निःशुल्क मिटर वितरण गरिएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्