विश्वकप क्रिकेट: उद्घाटन खेलमा दक्षिण अफ्रिकालाई इंग्ल्याण्डकाे बलियाे लक्ष्य, ४ खेलाडीले हाने अर्धशतक

जेठ १६, २०७६ बिहीबार १९:२२:२७ | उज्यालो सहकर्मी

आईसीसी एकदिवसिय विश्वकप क्रिकेटको उद्घाटन खेलमा घरेलु टिम इंग्ल्याण्डले दक्षिण अफ्रिकालाई ३१२ रनको बलियो लक्ष्य दिएको छ ।

लण्डनस्थित द ओभल मैदानमा टस हारेर ब्याटिङको निम्तो पाएको इंग्ल्याण्डले ५० ओभरमा ८ विकेट गुमाउँदै ३११ रन बनायो । कमजोर सुरुवात गरे पनि इंग्ल्याण्डको पारीलाई जेसोन रोय र जोय रुटले बचाए । एक रनमा पहिलो विकेट गुमाएको उसका लागि रोय र रुटले दोस्रो विकेटका रुपमा एक सय ६ रनको साझेदारी गरे ।

जसमा रोय ५४ रनमा आउट हुन पुगे । इंग्ल्याण्डका लागि जोय रुटले ५१ रन बनाए भने ओयन मोर्गनले ५७ रन बनाए । मोर्गन र बेन स्टाेक्सबीच चौथो विकेटका लागि १०६ रनको साझेदारी भएको थियो । स्टाेक्सले ८९ रन बनाए । त्यस्तै जोस बट्लरले १८ रन बनाउँदा मोइन अलीले मात्र तीन रन जोडे । यस्तै क्रिस वोक्सले १३ रन थपे ।

बलिङतर्फ दक्षिण अफ्रिकाका लागि इमरान ताहिरले २ र लुंगी एनगिडीले ३ विकेट हात पारे । त्यस्तै कागिसाे रबाडाले २ विकेट लिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्