रणबीर कपूरलाई सुझाव : 'फ्यानहरुकाे सम्मान गर्न सिक्नुहाेस्'

जेठ २६, २०७६ आइतबार १२:४४:१६ | एजेन्सी

सेलिब्रेटी भैसकेपछि बलिउडका कलाकारहरु प्रायजसो ट्रोलको शिकार भैरहन्छन् । बलिउड अभिनेता रणबीर कपूरको पनि एउटा भिडियो यतिबेला सामाजिक सञ्जालमा निकै भाइरल भैरहेको छ ।

त्यो भिडियोमा रणबीर कपूरलाई एकजना फ्यान भेट्न आएका छन् । ती फ्यानले रणबीरलाई भेट्ने बित्तिकै उनको खुट्टा ढोग्छन् र रणबीरलाई उपहार पनि दिन्छन् ।

त्यो भिडियो सार्वजनिक भएपछि रणबीर कपूरले ती फ्यानप्रति निकै नै रुखो व्यवहार गरेको भन्दै फ्यानहरुले रणबीरमाथि रिस पोखिरहेका छन् ।

View this post on Instagram

Fan meet with #ranbirkapoor ❤

A post shared by Viral Bhayani (@viralbhayani) on Jun 7, 2019 at 3:05am PDT

भिडियोमा रणबीरका ती फ्यानले उपहार दिन्छन् उक्त उपहार उनकै अगाडि खोल्न अनुरोध गर्छन् । रणबीर ती फ्यानसँगै सोफामा बसेर गिफ्ट खोल्न थाल्छन् तर साथमै उभिएका ती फ्यानलाई बस्न भन्दैनन् ।

ती फ्यान रणबीर नजिकै भुइँमा बस्छन् । ती फ्यानलाई रणबीरले एकपटक पनि माथि बस्न भनदैनन् । यही कुरा र रणबीरले ती फ्यानसँग कुराकानी गरेको तरिका मानिसहरुलाई मन परेन । यति बेला रणबीरले ती फ्यानलाई सोफामा बस्न किन भनेनन् भन्दै रणबीरलाई ट्रोल गरिरहेका छन् ।

एक जनाले आलोचना गर्दै भनेका छन्, ‘के रणबीर भगवान हो ? उनले ती व्यक्तिलाई सोफामा बस्न किन भनेनन् ?’ यस्तै अर्का व्यक्तिले लेखेका छन्, ‘रणबीर एकदमै अशिष्ट छन् । एकपटक पनि उनले ती व्यक्तिलाई माथि बस्न भनेनन् ।’

रणबीलाई एक जनाले सल्लाह दिँदै भनेका छन्, ‘कृपया आफ्ना फ्यानहरुको सम्मान गर्न सिक्नुहोस् ।’ यस्तै अर्काले रणबीर कपूरलाई उनको स्कुल र घरमा अनुशासन, तरिका नसिकाएको भन्दै आलोचना गरेका छन् ।

साथै केहीले यदि ती फ्यान पुरुष नभई महिला भएको भए रणबीरको व्यवहार फरक हुने थियो भन्दै रणबीरको मजाक उडाएका छन् ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्