वैदेशिक रोजागारीमा जानेलाई ठग्दै उदयपुरका म्यानपावर

असार २८, २०७५ बिहीबार १७:५२:५ | रासस

उदयपुर – उदयपुरमा रहेका केही म्यानपावरले युवालाई काम र तलबको झठो विवरण देखाएर पठाएर ठग्ने गरेको पाइएको छ । केही युवालाई म्यानपावरले राम्रो काम र तलब हुने भन्दै पठाए पनि उनीहरुले विदेशमा यहाँ भनेको काम नपाएर समस्यामा परेका छन् ।

जाँतेका केशर रार्ईलाई डेढ वर्षअघि गाईघाटकै एक मेनपावरले राम्रो काम र तलब हुने भन्दै एक लाख ७० हजार लिएर साउदी अरब पठाएको थियो । तर भनेको काम र तलब नपाएपछि उहाँ घर फर्किनुभएको छ ।

चौदण्डी नगरपालिका–३ हँडियाका किशोर चौधरी दुई वर्षअघि गाईघाटको सनलाइट ओभरसिजबाट साउदी अरब जानुभयो । उहाँलाई १५ सय रियाल तलब दिने भनेपनि ५०० रियालमात्र पाउनुभयो । ‘साउदी अरब पुगेपछि मात्र गैर कानूनी रुपमा विदेश आएको थाहा पाएँ’ उहाँले भन्नुभयो ।

पछिल्लो ७ महिनामा यसरी ठगिएका ३१ जनाले म्यानपावरविरुद्ध मुद्दा दर्ता गरेको सुरक्षित आप्रवास परियोजनाका संयोजक सोनम राईले बताउनुभयो । ३१ वटा मुद्दामध्ये १२ वटामा मुद्दा आफूहरुले प्रशासन र प्रहरीसँग मिलेर न्याय दिलाएको संयोजक राईले बताउनुभयो ।

गाईघाटमा दर्ता विना सञ्चालन भएका म्यानपावर धेरै छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्