करार सम्झौतामा भएको कमजोरीले अरु देशका कामदारले जति तलब पाएनौं

कात्तिक ६, २०७६ बुधबार ११:४५:२ | मेरो कथा मेरो भोगाई

जोन लो, भरतपुर चितवन, हाल ओमान ।

म अहिले वैदेशिक रोजगारीको सिलसिलामा ओमानमा छु । मैले काम गर्ने ठाउँमा मसहित अरु चार जना नेपाली साथीहरु पनि हुनुहुन्छ ।

हामीले काम गर्ने ठाउँ ओमानको एक सामुहिक माछा फार्म हो । कम्पनी राम्रो हो । मलाई लाग्छ, ओमानमा कामदारलाई राम्रो सेवा सुविधा दिने कम्पनी मध्येको यो कम्पनी पनि एक हो ।

तर पनि हामीले हाम्रो करार सम्झौताका कारण यो कम्पनीले दिने सेवा सुविधा लिनबाट बञ्चित भयौं । यो कम्पनीमा चार जना नेपाली र पाँच जना फिलिपिन्सका नागरिक र बाँकी सबै कामदार स्थानीय नागरिक छन् ।

स्थानीय नागरिक पनि धेरै कामदार भएकाले होला यहाँ हरेक कुराको समय छ । हामी महिनाको २२ दिन र दिनमा ८ घण्टा मात्र काम गर्छौं । कम्पनीको नियमअनुसार यति काम गरेबापत स्थानीय नागरिकले ६ सय ओमानी रियाल तलब पाउँछन् ।

नेपाली र फिलिपिन्सका नागरिकको भने महिना २५० ओमानी रियाल अथवा बुधबारको विनिमय दर अनुसार ७३ हजार ८ सय ४६ रुपैया र थप ७५ ओमानी रियाल अथवा २२ हजार १ सय ५३ रुपैयाँ छ ।

फिलिपिन्सका नागरिकले हामीले जति नै काम गरेर यही सेवा सुविधा पाउँछन् । तर हाम्रो हकमा भने हामीलाई नेपालमा गरेको करार सम्झौता अनुसार २२ हजार रुपैयाँ कम तलब दिन्छ कम्पनीले ।

किनभने नेपाल सरकारले त्यही तोकोको छ, तिमीहरुको सम्झौता त्यही छ भन्छ । हाम्रो श्रम स्वीकृति नै यस्तो भएकाले त होला नि अरुले जति नै दुःख र जोखिमयुक्त काम गर्दा पनि सेवा सुविधा चाहिँ कम हुने ।

सायद हामीले जस्तो समस्या विदेशमा थुप्रै नेपाली दाजुभाइले भोगेका होलान् । सरकारले यस विषयलाई गम्भीर रुपमा लिओस्। परदेशमा अरु देशका नागरिक जत्तिकै हामी पनि खट्न सक्छौं भने किन हामीले नेपाली कामदार भएकै कारण कम तलब पाउने ?

म सरकारलाई यो अनुरोध गर्न चाहन्छु कि, विदेशमा अरु देशका नागरिकलेझैं सेवासुविधा र सम्मान पाउने वातावरण बनाउँ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्