'हाफ द नाइट इज गन'लाई २५ लाखकाे पुरस्कार

पुष २, २०७६ बुधबार १२:४७:४४ | रासस

काठमाण्डौ – अमिताभ बागचीको उपन्यास ‘हाफ द नाइट इज गन’ ले सन् २०१९ को प्राइज फर साउथ एसियन लिटरेचर (डीएससी) पुरस्कार जितेको छ ।

पोखराको फेवाताल किनारामा रहेको बाराही घाटमा सम्पन्न आईएमई नेपाल साहित्य महोत्सव २०७६ का अवसरमा २५ लाख रुपैयाँ राशिको पुरस्कार वितरण गरिएको हो ।

पुरस्कारका लागि छनोट सूचीमा परेका लेखक र उपन्यासमा ‘हाफ द नाइट इज गन’ सँगै जमिलजान कोचाईको ‘९९ नाइट्स इनलोगार’, ‘भारत र भाइकिङ’, ‘पेन्गुइन र्‍याण्डमरहाउस’, ‘अमेरिका’, माधुरी विजयको ‘द फार फिल्ड (ग्रोभ प्रेस, ग्रोभ एटलान्टिक, अमेरिका)’, मनोरञ्जन व्यापारीको ‘देयर इज गनपाउडर इन द एयर’ (बङ्गालीबाट अरुनाभा सिन्हाको अनुवाद, एका, अमेजन वेस्टल्याण्ड, भारत), राजकमल झाको ‘द सिटी एण्ड द सी’ ‘ह्यामिशह्यामिल्टन, पेन्गुइन र्‍याण्डमहाउस, भारत’ र सदिया अब्बासको ‘द एम्प्टी रुम (जुबान पब्लिसर्स, भारत)’ थिए ।

गएका वर्षहरुमा यो पुरस्कार श्रीलङ्का, बङ्गलादेश र भारतमा घोषणा भएको थियो भने यसपटक नेपालमा पहिलो पटक घोषणा गरी वितरण गरिएको हो । डीएससी पुरस्कारले दक्षिण एसियाली जनजीवनका विविधपत्र केलाउने र विविधतापूर्ण आवाजहरुलाई प्रोत्साहन गर्दै आएको छ ।

निर्णायक मण्डलका अध्यक्ष हरिश त्रिवेदीले दक्षिण एसियाको उपस्थिति र प्रभाव अहिले निकै बढेको बताउँदै दक्षिण एसियाका नौ राष्ट्र र डायस्पोरालाई समेट्ने एउटै मात्र पुरस्कार डीएससी पुरस्कार रहेको बताउनु भयो ।

२५ हजार अमेरिकी डलर पुरस्कार राशिको डीएससी पुरस्कार सुरिना नरुला र मनहदन रुलाले सन् २०१० मा स्थापना गर्नुभएको थियो ।

यसअघि पाकिस्तानका एचएम नक्वी, श्रीलङ्काका शेहन करुणातिलका, भारतका जीत थायिल र साइरस मिस्त्री, भारतीय मूलकी अमेरिकी लेखिका झुम्पालाहिरी, भारतकी अनुराधा रोय, श्रीलङ्काका अनुक अरुदप्रगसम र भारतका जयन्त कैकिनी र अनुवादक तेजस्विनी निरन्जनाले यो पुरस्कार प्राप्त गरिसकेका छन् ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्