छाउगोठ हटाउन प्रशासनको उर्दी !

पुष ११, २०७६ शुक्रबार ८:५४:१८ | विमल बिष्ट

डोटी – डोटीमा रहेका छाउगोठ हटाउन जिल्ला प्रशासन कार्यालयले उर्दी जारी गरेको छ ।

डोटी जिल्लामा रहेका छाउगोठ हटाउन जिल्लाव्यापी अभियान चलाइने र महिनावारी भएका महिलालाई छाउगोठमा राख्नेलाई कारबाही गर्ने भन्दै प्रशासन कार्यालयले उर्दी जारी गरेको हो ।

जिल्ला सदरमुकाम सिलगढीमा छाउगोठ नभए पनि अधिकांश ग्रामीण क्षेत्रमा अहिले पनि छाउ बार्ने परम्परा र छाउगोठ रहेका छन् । प्रशासनले छाउगोठ भत्काउन सबै पालिकालाई पत्राचारसमेत गरेको छ । प्रहरी प्रशासनले डोटीका ग्रामीण क्षेत्रमा भएका छाउगोठको तथ्याङ्क संकलन गर्न सुरु गरेको छ ।

छाउपडी प्रथाका कारण सुदूरपश्चिममा अहिलेसम्म १२ जना महिलाले अकालमै ज्यान गुमाएका विभिन्न सङ्घ संस्थाको तत्थ्याङ्कमा उल्लेख गरिएको छ ।

महिनावारी भएकी महिला घरैमा बसे घरमा अनिष्ट हुने तथा देउता रिसाउने भन्ने अन्धविश्वासका कारण डोटीका ग्रामीण क्षेत्रमा अझै पनि छाउपडी प्रथा कायम रहेको केआईसिंह गाउँपालिकाका स्थानीय चेतराज भट्टले बताउनुभयो ।

गृह मन्त्रालयले डोटीलगायत समग्र सुदूरपश्चिमका विभिन्न ठाउँमा रहेका छाउगोठलाई समुदाय, स्थानीय तह र प्रहरीको सहकार्यमा भत्काउन जिल्ला प्रशासन कार्यालयहरुलाई निर्देशन दिएपछि छाउगोठ राख्ने तथा छाउगोठमा बस्न बाध्य बनाउनेलाई कारबाही गर्न थालिएको हो ।

जिल्ला प्रशासन कार्यालय डोटीले गएको बुधबार सार्वजनिक सूचना प्रकाशित गर्दै जिल्लाका कुनै पनि ठाउँमा छाउगोठ नराख्न आग्रह गरेको छ । ‘छाउगोठ नराख्न सूचना जारी गरेका छौँ, राख्नेलाई कारबाही हुने छ’, प्रमुख जिल्ला अधिकारी टेकनारायण पौडेलले भन्नुभयो, ‘छाउगोठ राख्ने तथा बस्न बाध्य बनाउनेविरुद्ध सशक्तरुपमा कारबाही गर्छौँ ।’

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्