युएईमा दक्ष नेपाली कामदारको माग, एमओयु परिमार्जन गरिने

साउन ८, २०७५ मंगलबार १८:२५:१० | उज्यालो सहकर्मी

काठमाडौं – नेपाल र युएईबिच समझदारी पत्र (एमओयु) परिमार्जन गर्ने विषयमा छलफल भएको छ । श्रम, रोजगार तथा सामाजिक सुरक्षा मन्त्री गोकर्ण विष्ट र नेपालका लागि युएईका राजदूत सइद हमदान मोहमद अल नाक्बीबिच मंगलबार भएको भेटमा श्रमिक आदानप्रदानमा संलग्न दुवै मुलुकले अधिकतम लाभ लिनसक्ने गरी एमओयु परिमार्जनका बारेमा छलफल भएको हो ।

जवाफमा मन्त्री विष्टले युएईको माग र आवश्यकता अनुुरुप नेपालमा दक्ष जनशक्तिको उत्पादन एवं जनशक्तिको आपूूर्तिका सम्भावनाबारे द्विपक्षीय छलफल गरी उपयुक्त विधि र पद्धति अवलम्बन गर्न जोड दिनुभयो ।

भेटमा दुवै देशले आवश्यक तयारी गर्ने र चाँडै समझदारी पत्र परिमार्जन गर्ने काम प्राथमिकताका साथ अघि बढाउने विषयमा छलफल भएको छ । श्रम मन्त्री र राजदूतबिच नेपाली श्रमिकका लागि युएईमा रोजगारीका थप अवसरको सम्भावना, श्रम सम्बन्धमा हुनुुपर्ने सुधारका क्षेत्र तथा नेपाली श्रमिकको सुरक्षा लगायतका विषयमा पनि छलफल भएको छ ।

राजदूत नाक्बीले युएईमा इन्जिनियर, नर्स, मेडिकल डाक्टर जस्ता दक्ष जनशक्तिको माग बढ्दै गएको बताउनुभयो । त्यस्ता जनशक्तिका लागि युएईमा उच्च पारिश्रमिक सहितको अवसर रहेको उहाँको भनाई छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्