कोरोनाले ज्यान गुमाएकी महिलाको गाउँमा पीसीआर परीक्षणका लागि स्वाब सङ्कलन सुरु

जेठ ४, २०७७ आइतबार २१:२:४ | किरण थापा

सिन्धुपाल्चोक – कोरोना भाइरस (कोभिड-१९) को सङ्क्रमणबाट ज्यान गुमाएकी सुत्केरी महिलाको गाउँमा पीसीआर परीक्षणका लागि स्वाब सङ्कलन सुरु भएकाे छ ।

वाग्मती प्रदेशले स्थापना गरेको द्रूत प्रतिकार्य टोलीको नेतृत्व गर्दै सामाजिक विकास मन्त्री युवराज दुलाल, उद्योग पर्यटन, वन तथा वातवरण मन्त्री अरुण नेपालसहित स्वास्थ्यकर्मीहरुको टोली मृतक महिलाको गाउँमा पुगेको थियो ।

प्रदेश मन्त्रालय अन्तर्गत गठित द्रूत प्रतिकार्य टोलीले कोरोना भाइरसका कारण सुत्केरी महिलाको ज्यान गएपछि टोलीले कन्ट्याक्ट ट्रेसिङको आधारमा पहिलो चरणमा मृतक महिलाको घर क्षेत्रको आफन्तको स्वाब सङ्कलन सुरु गरेकाे हो ।

सामाजिक विकास मन्त्रीसहित प्रदेश स्वास्थ्य निर्देशनालय हेटौँडाका प्रमुख रमेश अधिकारी, प्रदेशका विज्ञ डाक्टर पुरुषोत्तम सेढाईँ, प्रयोगशाला प्रमुख नारायण कार्की, जिल्ला स्वास्थ्य प्रमुख दुर्गादत्त चापागाईँसहितको आठ सदस्य द्रूत प्रतिकार्य टोली मृतक महिलाको गाउँ बाह्रबिसे नगरपालिका ९ राम्चे ठोटनेरी पुगेको हाे ।

वाग्मती प्रदेशको प्रदेश स्वास्थ्य निर्देशानलयले पहिलो घेरामा कम्तीमा एक सय जनाको पीसीआर परीक्षणका लागि सूची तयार पारेको सामजिक विकास मन्त्री युवराज दुलालले जानकारी दिए ।

पहिलो घेराको स्वाब सङ्कलनपछि दोस्रो घेराकाहरुकाे परीक्षणका लागि स्वाब सङ्कलन सुरु गरिने बताइएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्