सिल गरिएको छाँया पोलिक्लिनिकका १० स्वास्थ्यकर्मीको स्वाब परीक्षणका लागि पठाइयो

जेठ ६, २०७७ मंगलबार ८:५६:१२ | प्रेमनारायण आचार्य

अर्घाखाँची - कोराेना सङ्क्रमितले उपचार गराएको खुलेपछि सिल गरिएको अर्घाखाँचीको छायाँ पोलिक्लिनिकका १० जना सुरक्षाकर्मीको स्वाब परीक्षणका लागि पठाइएको छ ।

कोरोना सङ्क्रमण पुष्टि भएका गुल्मीका व्यक्तिले सन्धिखर्क १ मा रहेको छायाँ पोलिक्लिनिकमा आएर उपचार गराएको भन्ने खुलेपछि पोलिक्लिनिक सिल गरी उपचार तथा ल्याब र फार्मेसीमा संलग्न १० जनाको स्वाब परीक्षणका लागि प्रदेश जन स्वास्थ्य कार्यालय भैरहवा पठाइएको प्रमुख जिल्ला अधिकारी विजयराज पौडेलले बताउनु भयो ।

गुल्मीको मदाने गाउँपालिका पुर्कोट घर भएका उनी वैशाख ३१ गते दिउँसो ३ बजेतिर ज्वरो आउने र रुघाखोकी लाग्ने भएपछि उपचारको लागि छायाँ पोलिक्लिनिकमा उपचार गराएकाे र त्यहाँ उपचार सम्भव नभएपछि बुटबलको क्रिमसन अस्पतालमा गएर भर्ना भएको सहायक प्रमुख जिल्ला अधिकारी बिक्रम थापाले बताउनु भयो ।

भर्ना भएको दिनदेखि नै उनकाे आईसीयूमा भेन्टिलेटरमा उपचार भइरहको छ ।

४१ वर्षीय उनी सरकारी विद्यालयका शिक्षक रहेको र पछिल्लो समय कहीँ गएको नभए पनि लक्षण हेर्दा कोरोनासँग मिल्दो पाइएपछि अस्पतालबाटै स्वाब संकलन गरिएको थियो ।

पोलिक्लिनक सिल गरेर त्यहाँ रहेका डाक्टर, स्वास्थ्य कर्मीको स्वाब परिषणको रिपोर्टका आधारमा त्यस क्लिनिकमा उपचारका लागि आएका सबै वबरामीहरु र उनीहरुसँग सम्पर्कमा आएका सबैलाई समेत खोजेर कोरोना चेकअप गरिने अर्घाखाँची अस्पतालका प्रमुख डाक्टर कपिल गौतमले जानकारी दिनुभयो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्