थन्क्याएर राखेको गाडी चलाउँदै हुनुहुन्छ ? यी कुरामा ध्यान दिनुहोस्

जेठ २८, २०७७ बुधबार ११:२१:३७ | मल्लिका थापा

काठमाण्डाै – सरकारले लकडाउन खुकुलो गर्दै जाने तयारी गरिरहँदा लामो समयसम्म थन्किएर बसेका केही गाडी गुडाउन पाइने भएको छ । तर के तपाईँले पार्किङ गरेर राखेको गाडी कस्तो अवस्थामा छ भनेर जाँचिरहनुभएको छ ? ख्याल गर्नुस्, नत्र काम विशेषले गाडी निकाल्नु परेमा समस्यामा पर्नु होला ।

लकडाउन जारी नै भए पनि सिप्रदी ट्रेडिङ प्रालीको टाटा मोटर्स, हुन्डाई, मारुती सुजुकी, महिन्द्रा, फोर्ड, रेनो, निसान, डाट्सन, किया, जीप, एमजीलगायतका ब्राण्डले आफ्ना सर्भिस सेन्टरहरु सञ्चालनमा रहेको जानकारी दिएका छन् ।

लामो समय थन्क्याएर राखेको गाडी चलाउँदा ध्यान दिनुपर्ने कुरा–

१) गाडी लिएर निस्कने तयारी गर्दै हुनुहुन्छ भने त्यसको अवस्थाकाे बारेमा राम्रोसँग विचार गर्नुहोस् ।
२) गाडीमा केही समस्या देखियो भने तत्काल मर्मत गरेर मात्र प्रयोगमा ल्याउनुहोला । अहिले पनि गाडी बिक्रेता कम्पनीहरुले सर्भिस सेन्टर सञ्चालन गरिरहेका छन् ।

३) लकडाउन अवधिभरि गाडीको वास्ता गर्नुभएको छैन भने ब्याट्रीमा समस्या आउन सक्छ र स्टार्ट नहुन पनि सक्छ । बाहिर निस्कने समयभन्दा केही समयअघि नै जाँच गरिहाल्नुस् । गाडीको इन्जिन स्टार्ट गरी कुनै असामान्य आवाज छ कि जाँच गरौँ । गाडी स्टार्ट गरेको केही समयसम्म आरपीएम बढाउनु हुँदैन तथा इन्जिन बन्द गर्ने बेलामा पनि आरपीएम बढाउनु हुन्न ।

४) ब्याट्रीमा समस्या नहुँदा पनि गाडी स्टार्ट नभएमा मुसाले कतैको कनेक्सन छुटाएको हुनसक्छ, विचार गर्नुहोला । अरु समयमा पनि गाडीको सिसा बन्द गर्ने र डिक्की पनि बन्द नै राखियो भने मुसा छिर्ने डर हुँदैन । गाडीलाई मुसाले गर्ने हानीबाट बचाउन केही स्प्रे पनि प्रयोग गर्न सकिने मेकानिकहरु बताउँछन् ।

५) डिप स्टिकले इन्जिन आयलको लेभल चेक गरौँ र यदि कम भएमा थप गरौँ ।

६) लामो समयसम्म रोकेर राखेको गाडीको एसी नचलेको हुनसक्छ । एसीमा ध्यान दिनुहोला ।

७) कुनै गाडीमा भने लाइटमा समस्या आएको हुन्छ । यात्रा गर्नुपूर्व नै तपाईँ विश्वस्त हुनु जरुरी छ ।

८) टायरको अवस्था चेक गरौँ र सही टायर प्रेसरलाई कायम राखौँ ।
९) कुलेन्टको लेभल चेक गरौँ र यदि कम भएमा अधिकतम लेभलसम्म पुग्ने गरी थप गरौँ ।

१०) इन्टर कुलर तथा रेडियटरबाट कतै लिकेज भएको छ कि जाँच गर्नुहोस् ।

११) बाह्य वस्तुको प्रवेशबाट हुन सक्ने सम्भावित खतराको लागि एअर इनटेक प्रणालीको जाँच गनुहोस् ।

१२) काम विशेषमा बाहिर जाँदा सुरक्षाकाे लागि मस्क, पन्जा, चस्मा लगाउने र आफ्नो गाडीलाई भित्र र बाहिर राम्ररी स्यानिटाइज गनुहोस् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मल्लिका थापा

थापा उज्यालाेमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्