लकडाउनको मोडालिटी परिवर्तन, व्यावहारिक नभएको गुनासो

जेठ ३०, २०७७ शुक्रबार १६:२:४१ | मल्लिका थापा

ललितपुर – ललितपुर महानगरपालिकाको नखिपोटका कपिल घिमिरे बिहानैदेखि तनावमा हुनुहुन्थ्यो ।

आजदेखि मोटरसाइकलमा दुई जना चढ्न नपाउने भन्ने समाचार आएपछि श्रीमतीलाई कसरी कार्यालय पुर्‍याउने भनेर उहाँलाई चिन्ता परेको थियो । उहाँँ भन्नुहुन्छ, 'स्वास्थ्य क्षेत्रका कर्मचारीलाई कार्यालय नगइ नहुने, कार्यालयले आउन/जान गाडीको सुविधा दिन नसक्ने अनि भएको मोटरसाइकलमा चढ्न नपाउने नियम बनाएर सरकारले के गर्न खोजेको ?'

भक्तपुर चाँगुनारायणका सुवास पौडेल गुनासो गर्नुहुन्छ, 'लकडाउनको मोडालिटी परिवर्तन भएपछि आजबाट जोरबिजोर प्रणाली लागू भयो तर यसअघि जिल्ला प्रशासन कार्यालयबाट पाएको पास खारेज भएको या पासले काम गर्ने हो भन्ने आधिकारिक जानकारी कतैबाट पाइएन । कार्यालय जानै पर्ने हुँदा पनि जान मिल्ने/नमिल्ने अन्याेलमै छु ।

यस्तै पसल खुला गर्न पाइने भएपछि साहुले पसलमा बोलाएको तर मोटरसाइकलको नम्बर बिजोर भएकाेले जान नपाएको गुनासो गर्नुहुन्छ, काठमाण्डौ जाेरपाटीका अच्युत नेपाल । 'पसल लगनखेलमा छ, साहुले मोटरसाइकलमा जोरबिजोर प्रणाली लागू हुँदैन जसरी पनि पसलमा आउनु भने पनि ढुक्कले घरबाट निस्किएँ तर पुलिसले जान दिएन ।'

सरकारले आजदेखि लकडाउनलाई खुकुलो बनाउँदै निजी गाडीलाई जोरबिजोरकाे आधारमा चलाउन दिएको छ । यस्तै मोटरसाइकलमा एक जनामात्र चढ्न पाउने व्यवस्था पनि अव्यावहारिक भएको गुनासो बढिरहेको छ । सरकारले साइकल र मोटरसाइकल चालकमात्र रहने गरी चलाउन दिने भनेको छ ।

महानगरीय ट्राफिक प्रहरी महाशाखाका प्रमुख, प्रहरी वरिष्ठ उपरीक्षक (एसएसपी) भीमप्रसाद ढकालले नयाँ व्यवस्थाले सडकमा देखिएकाे र नागरिकलाई परेकाे समस्याबारे जिल्ला प्रसाशन कार्यालयमा जानकारी गराएको बताउनुभयो ।

उहाँँले भन्नुभयो, 'मोटरसाइकलमा चालकमात्र रहने, जोरबिजोरको अन्याेल, पासधारी गाडीलगायतका कुरा प्रमुख जिल्ला अधिकारीसँग राखिसकेका छौँ । यसबारे छलफल हुन बाँकी छ ।'

यसैगरी काठमाण्डाैका प्रमुख जिल्ला अधिकारी जनकराज दाहालले छिट्टै कार्यविधि नै जारी गरेर समस्याको समाधान गर्ने बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मल्लिका थापा

थापा उज्यालाेमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

लकडाउनको मोडालिटी परिवर्तन, व्यावहारिक नभएको गुनासो

प्रतिकात्मक तस्बिर

तपाईको प्रतिक्रिया