सबै सार्वजनिक गाडी चल्न थाले, 'स्वास्थ्य सुरक्षा मापदण्ड नअपनाए कारबाही'

साउन ८, २०७७ बिहीबार १७:३६:८ | उज्यालो सहकर्मी

काठमाण्डाै – बिहीबारदेखि सबै सार्वजनिक गाडी चल्न थालेका छन् । यातायात व्यवसायीहरुले बिहीबारदेखि सबै सार्वजनिक यातायातका साधन चलाउन थालेका हुन् ।

एक सय २० दिने लामो लकडाउनको अन्त्यसँगै काठमाण्डाै उपत्यकाका सडकमा सवारी चापसमेत बढ्न थालेको छ । काठमाण्डाै उपत्यकालगायत देशैभर छोटो दुरीमा सार्वजनिक गाडी गुडिरहेका छन् ।

तर लामो दुरीका गाडीलाई भने भदौ १ गतेदेखि मात्र चल्न दिने सरकारले जनाएको छ । त्यसैले एक जिल्लाबाट अर्को जिल्लामा जान पासको व्यवस्था कायमै छ । सरकारले लकडाउन अन्त्य गरेको बताए पनि काठमाण्डाै उपत्यका प्रवेश गर्न पास चाहिने नियम कायमै राखेको महानगरीय ट्राफिक प्रहरी महाशाखाले जनाएको छ ।

यसैबीच गाडी चलाउँदा स्वास्थ्य सुरक्षाका मापदण्ड सम्बन्धित व्यवसायीले आफै व्यवस्था गर्ने भनिएको छ । यातायात व्यवस्था विभागका महानिर्देशक गोगन हमालले गाडीमा स्यानिटाइजरको व्यवस्था व्यवसायी आफैले गर्नुपर्ने, यातायात श्रमिकका लागि आवश्यक स्वास्थ्य सामग्री, पन्जा र पीपीई सम्बन्धित व्यवसायीले नै उपलब्ध गराउनुपर्ने लगायतका व्यवस्था गरिएको जानकारी दिनुभयो ।

सरकारले तोकेको स्वास्थ्य मापदण्ड कतिपय सार्वजनिक गाडीका चालक र सहचालकले नमानेकाे यात्रुले गुनासो गरेका छन् । सरकारले भौतिक दुरी कायम गरी यात्रु राख्नुपर्ने, ५० प्रतिशत बढी भाडा लिन मिल्ने भने पनि व्यवसायीले तोकिएको भन्दा धेरै सङ्ख्यामा यात्रु चढाएर दोब्बर भाडा लिइरहेको गुनासो बढ्न थालेको छ । यस्ता गुनासको आधारमा ट्राफिक प्रहरीले गुडिरहेका बसमा अनुगमन गर्ने महानगरीय ट्राफिक प्रहरी महाशाखा प्रमुख एसएसपी भीमप्रसाद ढकालले जानकारी दिनुभयो ।

उहाँका अनुसार सरकारले तोकेको स्वास्थ्य सुरक्षासम्बन्धी मापदण्ड नअपनाउने गाडीलाई कारबाही गरिनेछ । नियम आफ्नै स्वास्थ्यका लागि हो भन्दै एसएसपी ढकाल भन्नुहुन्छ, 'आफू बचेर अरुलाई बचाउने जिम्मेवारी छ, चालक र सहचालकसँग । यात्रुले पनि ख्याल गर्नुपर्छ, आफ्नो सुरक्षा आफैले गर्ने हो, गाडीले अटेर गरे अनुगमन गरेर हामी कारबाही गर्छाैँ ।’

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्