वीरगञ्जकाे काेराेना विशेष अस्पतालमा मृत्यु भएकी युवतीमा काेराेना सङ्क्रमण पुष्टि

साउन ९, २०७७ शुक्रबार २०:५७:२० | केसी लामिछाने

पर्सा – वीरगञ्जकाे गण्डकमा रहेको कोभिड अस्पतालमा उपचारको क्रममा मृत्यु भएकी १७ वर्षीया युवतीमा कोरोना सङ्क्रमण पुष्टि भएको छ । उनको शुक्रबार दिउँसाे उपचारकाे क्रममा मृत्यु भएकाे हाे ।

बारा जिल्लाको परवानीपुर गाउँपालिका ८ की १७ वर्षीया युवतीलाई बिहीबार बेलुका कोभिड अस्पतालमा भर्ना गरिएको थियो । उपचारको क्रममा उनको मृत्यु भएको डाक्टर निरज सिंहले जानकारी दिनु भयो ।

कोभिड अस्पताल भर्ना गरिनु अघि उनलाई वीरगञ्ज हेल्थ केयर अस्पतालमा भर्ना गरिएको थियो । बुधबार नारायणी अस्पतालमा भर्ना भएकी उनको स्वास्थ्य अवस्था गम्भीर भएपछि वीरगञ्ज हेल्थ केयर अस्पतालमा लगिएको हो ।

अस्पतालमा आरडीटी परीक्षण गर्दा पाजेटिभ देखिएपछि उनलाई कोभिड अस्पतालमा सारिएको थियो । उपचारको क्रममा उनको मृत्युपछि आएको पीसीआर परीक्षणमा पनि कोरोरा भाइरसको सङ्क्रमण पुष्टि भएको हो । शुक्रबार साँझ पीसीआर रिपोर्ट आएको हो ।

ती युवतीमा झाडापखला र छारे रोगको लक्षण देखिएको चिकित्सक सिंहले बताउनुभयो । शुक्रबार बेलुका आएको काेराेना परीक्षण रिपोर्टअनुसार पर्सामा थप ६ जनामा कोरोना भइरसको सङ्क्रमण पुष्टि भएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केसी लामिछाने

केसी लामिछाने पर्साका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वीरगञ्जकाे काेराेना विशेष अस्पतालमा मृत्यु भएकी युवतीमा काेराेना सङ्क्रमण पुष्टि

प्रतिकात्मक तस्बिर

तपाईको प्रतिक्रिया